த்ரிஷா தொடங்கி வைத்த பேஸ்புக் பக்கம்!

தெலுங்கு நடிகரான பாலகிருஷ்ணா நம்ம சூர்யா மாதிரி. சூர்யாவைப்போலவே இவரும் இதுவரை ஃபேஸ்புக் ட்விட்டர் போன்ற சமூகவலைத்தளங்களுக்கு வராமலே இருந்தார். இப்போது வந்துவிட்டார். நந்தமூரி சிகரம் என்கிற பேஸ்புக் பக்கம் பாலகிருஷ்ணாவுக்காக துவங்கப்பட்டுள்ளது. இந்த பக்கத்தில் பாலகிருஷ்ணாவின் லேட்டஸ்ட் விஷயங்களை ரசிகர்களுக்கு உடனுக்குடன் அப்டேட் செய்ய இருக்கின்றனர். பாலகிருஷ்ணாவின் இந்த பேஸ்புக் பக்கத்தை சமீபத்தில் நடிகை த்ரிஷா துவங்கி வைத்தார்.

பால்கிருஷ்ணாவின் லயன் படத்தில் அவருக்கு ஜோடியாக த்ரிஷா நடித்து வருகிறார். லயன் படத்தில் படப்பிடிப்பில்தான் ஃபேஸ்புக் பக்கத்தை த்ரிஷா தொடங்கி வைத்த நிகழ்ச்சி நடைபெற்றது. ஃபேஸ்புக் மட்டுமல்ல, பாலகிருஷ்ணாவின் இத்தனை ஆண்டுகால திரையுலக சாதனைகளை எல்லாம் தொகுத்து ஆயிரம் பக்கங்கள் கொண்ட புத்தகம் ஒன்றையும் நந்தமூரி சிகரம் என்ற பெயரில் வெளியிட உள்ளனர்.

மீடியாவை கண்டாலே அலர்ஜியாகும் த்ரிஷா..

ஆர்யா தம்பி சத்யா நடித்த அமரகாவியம் படத்தின் ஆடியோ விழாவுக்கு த்ரிஷாவும், நயன்தாராவும ஜோடி போட்டு வந்திருந்தனர். ஆனால், அவர்கள் நடித்த படங்களின் ஆடியோ விழாக்களுக்கு அழைத்தால் மட்டும் நான் அன்றைய தினத்தில் அமெரிக்காவில் இருக்கிறேன். ஆஸ்திரேலியாவில் இருக்கிறேன் என்று சொல்லி எஸ்கேப்பாகி விடுகிறார்கள்.

அப்படித்தான் ஜெயம் ரவியுடன் நடித்துள்ள பூலோகம் படத்தின் பிரஸ்மீட்டில் கலந்து கொள்வதற்கு த்ரிஷாவை அழைத்தபோது, உறவினர் ஒருவரின் வீட்டு நிகழ்ச்சிக்காக ஆஸ்திரேலியா சென்றிருப்பதாக அப்பட நாயகனான ஜெயம்ரவி தெரிவித்தார். இந்த நிலையில், கெளதம்மேனன் இயக்கியுள்ள என்னை அறிந்தால் படத்தின் பிரஸ்மீட்டோ, ஆடியோ விழாவோ நடந்தால் அதில் அஜீத் கலந்து கொள்ளப்போவதில்லை என்பதால் அதை வைத்து தானும் ஜகா வாங்கி விடலாம் என்று நினைத்துக்கொண்டிருக்கிறார் த்ரிஷா.

த்ரிஷாவுக்கு புகை பகையாம்!

பிராணிகளின் தோழியான த்ரிஷா, யாராவது தெருநாய்களை கல்லைக் கொண்டு எரிவது, கொடுமைப்படுத்துவதைப் பார்த்தால் பொங்கி எழுந்து விடுவார். அதோடு, தான் அமர்ந்திருக்கும் பகுதியில் யாராவது புகை பிடிப்பதைப் பார்த்தாலும் கொதித்து எழுந்து விடுவாராம்.

உடனே அந்த நபரை அழைத்து, நாலு பேர் இருக்கிற இடத்துல இப்படி ரயில் வண்டி மாதிரி புகையை தள்ளுறீங்களே நியாயமா? இதனால் உங்களுக்கு ஒன்னும் பிரச்சினை இல்லை எங்களுக்குத்தான் பிரச்சினை. நீங்க தம் அடிக்கிறதுக்கு நாங்க நோயாளி ஆகனுமா? என்று லெப்ட் அண்ட் ரைட் வாங்கி விடுவாராம்.

நயன்தாரா-ஹன்சிகாவை உண்மையாகவே காதலித்தாராம் சிம்பு!

சிம்புவின் சினிமா தோழிகளில் த்ரிஷாதான் அவருக்கு முதல் தோழியாம். பள்ளியில் படித்த காலத்தில் இருந்தே நட்பாக பழகி வருகிறார்களாம். அதனால்தான் அலை, விண்ணைத்தாண்டி வருவாயா படங்களில் அவர்களின் கெமிஸ்ட்ரி நன்றாக ஒர்க்அவுட் ஆனதாம். மேலும், சினிமாவில் நடிக்காத நேரங்களிலும் இருவரும் அவ்வப்போது சந்தித்து பேசிக் கொள்வார்களாம். அப்படியொரு உறுதியான நட்பு இன்றுவரை நீடித்து வருகிறதாம்.

ஆனால், நட்பை கடந்து தான் காதல் வயப்பட்ட நயன்தாரா, ஹன்சிகாவை மட்டுமே அதன்பிறகு சந்தித்தாலும் ஹாய் சொல்வதோடு நிறுத்திக் கொண்டு வருவதாக சொல்கிறார் சிம்பு. மேலும், நயன்தாராவுடன் மீண்டும் இது நம்ம ஆளு படத்தில் நடிக்கிறேன் என்றாலும், அந்த பழைய நட்பு ஏற்படவில்லை. இதற்கு முக்கிய காரணம் அவர்கள் என்னை சரியாக புரிந்து கொள்ளவில்லை.

ஸ்ருதிஹாசன் கொடுத்த அதிர்ச்சி...

தமிழிலும், தெலுங்கிலும் முன்னணியில் இருக்கும் நடிகைகளை விரல் விட்டு எண்ணி விடலாம். இப்போதுள்ள நடிகைகள் பலரும் தமிழ், தெலுங்கு ஆகிய இரு மொழிகளிலும் சரி சமமான புகழில் இருந்து வருகிறார்கள். நயன்தாரா, அனுஷ்கா, ஸ்ருதிஹாசன், சமந்தா, காஜல் அகர்வால், தமன்னா, த்ரிஷா ஆகியோர் தமிழிலும், தெலுங்கிலும் புகழ் பெற்றவர்களாகவே இருக்கிறார்கள்.

இப்போது இவர்களுக்கிடையேதான் பலத்த போட்டி இருந்து வருகிறது. பெரிய ஹீரோக்களுடன் நடிப்பதில்தான் இவர்களுக்குள் அதிகமான போட்டி இருக்கிறது. அதிலும் ஒரு படம் ஹிட்டானவுடனே சம்பளத்தையும் ஏற்றி விடுகிறார்களாம். தொடர்ந்து வெற்றியைக் கொடுக்கும் ஹீரோயின்களுக்கு தயாரிப்பாளர்களும் ராசியானவர் என்று சொல்லி அவர்கள் கேட்கும் சம்பளத்தையும் கொடுத்து விடுகிறார்கள்.

ஜூனியர் நடிகைகளுக்கு அட்வைஸ் செய்யும் த்ரிஷா

த்ரிஷாவின், கடந்த 10 ஆண்டு கால சினிமா கேரியரில், நயன்தாரா உள்ளிட்ட சில நடிகைகளுடன் எதிரும், புதிருமாகத் தான் இருந்து வந்தார்; ஆனால், இப்போது ரொம்பவே மாறி விட்டார். நயன்தாரா போன்ற முன்னாள் போட்டி நடிகைகளுடன் பகை மறந்து, நட்பு வளர்த்து வருகிறார். அதேபோல், வளர்ந்து வரும் புதுவரவு நடிகைகளுக்கு, நடிப்பு குறித்த, 'டிப்ஸ்' வழங்கி வருகிறார்.

த்ரிஷா, இப்போது கன்னடத்திலும் பிசியாக நடித்து வருவதால், அங்குள்ள புதுமுக நடிகைகளுக்கும் ஆலோசனைகள் வழங்குகிறாராம். த்ரிஷாவிடம் ஏற்பட்டுள்ள இந்த மாற்றத்தை பார்த்து, வியந்து போயிருக்கிறது கோடம்பாக்கம்.

தனுசுடன் இணைகிறார் த்ரிஷா!

தமிழ் சினிமாவில் கமல், விஜய், அஜீத் என அனைத்து முன்னணி ஹீரோக்களுடனும் டூயட் பாடி விட்ட த்ரிஷா ரஜினியுடனும், அவரது மருமகன் தனுசுடனுதான் இதுவரை ஜோடி சேர்ந்து நடிக்கவில்லை. இதில் ரஜினியுடன் நடிப்பதற்கு லிங்கா படத்தை இயக்கும் கே.எஸ்.ரவிக்குமார் அழைப்பார் என்று ரொம்பவே எதிர்பார்த்திருந்தார் த்ரிஷா. ஆனால், இந்தி நடிகை சோனாக்ஷி சின்ஹாவையும், தெலுங்கில் படுபிசியாக நடித்துக்கொண்டிருக்கும் அனுஷ்காவையும் அப்படத்துக்கு புக் பண்ணி த்ரிஷாவுக்கு ஏமாற்றத்தை கொடுத்து விட்டனர்.

மேலும், தனுசுடனும் நடிப்பதற்கு ஏற்கனவே பலமுறை முயற்சி எடுத்து தோல்வி கண்டு வந்த த்ரிஷாவை, ஆடுகளம் படத்தில் நடிப்பதற்கு அழைத்தார் வெற்றிமாறன். ஆனால், அப்போது சில தெலுங்கு படங்களில் பிஸியாக இருந்ததால் த்ரிஷாவால் அவர்கள் கேட்ட தேதிக்கு கால்சீட் கொடுக்க முடியாமல் போனது. அதனால்தான் அந்த வாய்ப்பு டாப்சிக்கு சென்றது. வெள்ளாவி நடிகை என்ற அடைமொழியையும் அப்படம அவருக்கு கொடுத்தது.

ராணாவை த்ரிஷா ஓரங்கட்டுவது ஏன்?

தமிழில் ஜெயம்ரவியுடன் பூலோகம் படத்தில் ஏற்கனவே நடித்து முடித்து விட்டவர், இப்போது சுராஜ் இயக்கத்தில் ஜெயம்ரவி நடிக்கும் அப்பாடக்கர் படத்திலும் ஜோடி சேர்ந்திருக்கிறார் த்ரிஷா. அதோடு, அஜீத்தின் 55வது படத்திலும் நடித்து வருபவர், மேலுமொரு படத்திலும் புக்காகியிருக்கிறார். ஆக த்ரிஷாவின் தமிழ் சினிமா மார்க்கெட் தற்போது பிசியாகவே உள்ளது.
இந்த நிலையில், கன்னடத்தில் ஒரு படத்தில் குத்துப்பாட்டுக்கு நடனமாடும் த்ரிஷா,

ஏற்கனவே தெலுங்கில் வெளியான தூக்குடு படத்தின் கன்னட ரீமேக்கான பவர் படத்தில் நடித்தவர், தெலுங்கில் வெளியான அத்திரின்டிக்கி தாரெடி என்ற படத்தின் கன்னட ரீமேக்கிலும் நடிக்க தற்போது ஒப்பந்தமாகியிருக்கிறார். ஆக, தெலுங்கு படங்களின் கன்னட ரீமேக் என்றாலே த்ரிஷாவுக்கே செல்லும் நிலை ஏற்பட்டிருக்கிறது.

குட்டித்தூக்கம் போடாமல் நாட்டு நடப்பு பேசிய த்ரிஷா!

கடல் கெளதம் நடித்த என்னமோ ஏதோ படத்தில் நடித்தவர் கன்னட நடிகை நிகிஷா பட்டேல். அந்த படம் ஹிட்டாக அமையவில்லை என்றபோதும், தனது வசீகர தோற்றத்தினால் தமிழ் படவாய்ப்புகளை தக்க வைத்துக்கொண்டார். த்ரிஷா நடித்து வரும் ரம்பா ஊர்வசி மேனகா படத்தில் இவரும் ஒரு நாயகி.

அதோடு நகுல் நடித்து வரும் நாரதன் படத்திலும் சிங்கிள் ஹீரோயினாக நடித்துக் கொண்டிருக்கிறார். இந்த நிலையில், த்ரிஷாவுடன் தான் நடித்த அனுபவங்களை பக்கம் பக்கமாக ஸ்பாட் நண்பர்களிடம் கூறி வருகிறார் நிகிஷா. அதாவது, த்ரிஷா மற்ற நடிகைகளை மாதிரி இல்லை. தன்னுடன் நடிக்கும் வளர்ந்து வரும் நடிகைகளுக்கும் வழிவிட்டு செல்லக்கூடியவர். ரம்பா ஊர்வசி மேனகா படத்தில் அவருக்குத்தான் கதையில் முக்கியத்துவம் கொடுத்துள்ளனர்.

மீண்டும் தள்ளி வைக்கப்பட்ட பூலோகம் படம்!

ஆஸ்கார் பிலிம்ஸ் ரவிசந்திரன் தயாரிப்பில், ஜெயம் ரவியின் நடிப்பில் தயரான படம் பூலோகம். இந்தப் படத்தின் ஃபர்ஸ்ட்காப்பி தயாராகி ஏறக்குறைய ஒரு வருடத்துக்கும் மேலாகிவிட்டது. ஆனாலும் பூலோகம் படத்துக்கு இன்னும் விமோசனம் பிறக்கவில்லை. நீண்டநாட்களாக... இல்லை... இல்லை... நீண்ட மாதங்களாக ரிலீஸுக்குக் காத்துக் கொண்டிருக்கிறது பூலோகம் படம்.

பூலோகம் படத்தை ரிலீஸ் பண்ணும்படி சொல்லி அப்படத்தின் தயாரிப்பாளரிடம் கண்ணீர் மல்காத குறையாக கேட்டுவிட்டார் இயக்குநர். ஆனால் தயாரிப்பாளர் மனம் இரங்கவில்லை. பிறகு ஜெயம் ரவியே நேரடியாய் சென்று தயாரிப்பாளர் ஆஸ்கார் ரவியை சந்தித்து பூலோகம் படத்தை ரிலீஸ் செய்ய கேட்க சென்றார்.

'லிங்கா'வில் ஒரு பாடலில் த்ரிஷா....?!

தமிழில் உள்ள எந்த ஹீரோயினைக் கேட்டாலும் அவர்களுடைய ஆசையாக ரஜினிகாந்துடன் சேர்ந்து நடிக்க வேண்டும் என்று சொல்வார்கள். அது இன்றைய புதுமுக ஹீரோயின்களின் ஆசையாகவும் இருக்கிறது. ஆனால், திரையுலகில் பத்து வருடங்களுக்கும் மேலாக இருந்து வரும் த்ரிஷாவிற்கு மட்டும் அந்த ஆசை நிறைவேறாமலே இருக்கிறது. கமல்ஹாசனுடன் 'மன்மதன் அம்பு' படத்தில் கூட அவர் ஜோடி சேர்ந்து விட்டார். ஆனால், என்னமோ ரஜினிகாந்துடன் மட்டும் அவரால் ஜோடி சேரவே முடியவில்லை.

இதனிடையே 'லிங்கா' படத்தில் ஒரு பாடலுக்கு த்ரிஷா நடனமாட உள்ளார் என்ற செய்தி வேகமாகப் பரவி வருகிறது. சம்பந்தப்பட்டவர்கள் ஒரு பாடலுக்கு நடனமாட த்ரிஷாவை அழைத்தார்களாம். ஆனால், ரஜினியுடன் ஜோடியாக மட்டுமே நடிக்க வேண்டும் என்று ஆசைப்பட்டு வரும் த்ரிஷா அந்த வாய்ப்பை மறுத்துவிட்டார் என்றும் சொல்கிறார்கள். இருந்தாலும் த்ரிஷா அப்படி நடிப்பதில் தவறில்லை என்றும் சிலர் கருதுகிறார்கள்.

ஆர்யாவின் பிரியாணி கிளப்பில் இப்போது எமியும் சேர்ந்தார்

ஆர்யாவுக்கு நயன்தாரா, பூஜா, த்ரிஷா, அனுஷ்கா என நிறைய நடிகைகள் நெருக்கம். எல்லோருமே ஆர்யா வீட்டில் பிரியாணி சாப்பிட்டு பிரியாணி கிளப்பில் இணைந்தவர்கள்.

இப்போது இதில் எமியும் சேர்ந்துள்ளார். அவர் முன்பே பிரியாணி கிளப்பில் இருந்தாலும் இப்போதுதான் அதுபற்றி பேசியுள்ளார். இதுபற்றி அவர் கூறியிருப்பதாவது: எனக்கு தமிழ் நாட்டில் நண்பர்கள் இல்லை. இங்கு நடிக்க மட்டுமே வருவதால் நடித்து முடித்த உடன் லண்டன் சென்று விடுகிறேன். அங்குதான் எனக்கு ஏகப்பட்ட நண்பர்கள் இருக்கிறார்கள். இங்கு ஆர்யா மட்டுமே நண்பர். மதராசபட்டினம் படத்தில் இருந்தே நாங்கள் நல்ல நண்பர்களாக இருக்கிறோம். பல விஷயங்களை பகிர்ந்து கொண்டிருக்கிறோம். ஆனால் அதுபற்றி வெளிப்படையாக பேசிக் கொள்வதில்லை என்கிறார் எமி.

அனுஷ்காவை பீல் பண்ண வைத்த கெளதம்மேனன்!

கெளதம்மேனன் இயக்கிய விண்ணைத்தாண்டி வருவாயா படத்தில் நடித்தவர் த்ரிஷா. அந்த படத்தில் த்ரிஷாவை புடவை கெட்டப்பில் நடிக்க வைத்த கெளதம், சிம்பு-த்ரிஷாவுக்கிடையிலான ரொமான்ஸ் காட்சிகளையும் இளசுகள் விரும்பும் வகையில் டச்சிங்காக படமாக்கியிருந்தார்.

அதனால் மெகா ஹிட்டான அப்படம், கெளதம்மேனன் கேரியரில் முக்கியத்துவம் வாய்ந்த படமானது. அதனால் அதையடுத்து, அந்த படத்தை இந்தியில் ஏக் திவானா தா என்ற பெயரில் ரீமேக் செய்தார். ரன்பீர்கபூர் நாயகனாக நடித்த அந்த படத்தில் தமிழில் த்ரிஷா நடித்த வேடத்தில் ஐ பட நாயகி எமி ஜாக்சன் நடித்திருந்தார். அப்படம் ஹிட்டடித்தது.

எமிஜாக்சனை புகழ்ந்த த்ரிஷா!

விக்ரமுடன் சாமி, பீமா உள்ளிட்ட படங்களில் நடித்துள்ளார் த்ரிஷா. ஆனால், தொடர்ந்து அவருடன் நடிக்க அவர் முயற்சி எடுத்தபோது அது ஒர்க்அவுட் ஆகவில்லை. காரணம், கிரீடம் படத்தில் நடித்த நட்பை வைத்து தெய்வத்திருமகள் படத்தை ஏ.எல்.விஜய் இயக்கியபோது மீண்டும் விக்ரமுடன் நடிக்க கல்லெறிந்தார் த்ரிஷா.

ஆனால், அனுஷ்கா ஏற்கனவே கமிட்டாகி விட்டதாக சொன்ன அவர், இன்னொரு நாயகிக்கு எனது மதராசப்பட்டினம் படத்தில் நடித்த எமிஜாக்சனையே நடிக்க வைக்க திட்டமிட்டுள்ளேன் என்று த்ரிஷாவுக்கு நோ சொல்லி விட்டார். அதனால் அந்த இரண்டாவது நாயகி வாய்ப்பைகூட ஹாலிவுட்டில் இருந்து வந்த நடிகை தட்டிப்பறித்து விட்டாரே என்று புலம்பினார் த்ரிஷா.

மீண்டும் புலனாய்வு போலீஸ் கெட்டப்பில் அஜீத்!

கெளதம்மேனன் இயக்கத்தில் அஜீத் நடித்து வரும் அவரது 55வது படத்தின் தொடக்கத்தில் மங்காத்தா, ஆரம்பம், வீரம் படங்களில் நடித்தது போலவே சால்ட் அண்ட் பெப்பர் ஹேர் ஸ்டைல் கெட்டப்பிலேயே நடித்து வந்தார். சென்னை ஈசிஆர் சாலையில் பெரும்பாலும் இரவு நேரங்களாக அவர் நடித்த காட்சிகள் படமாக்கப்பட்டு வந்தது. அவருடன் சில நாட்களில் அனுஷ்காவும் பங்கேற்றார்.

ஆனால் ஒரு கட்டத்தில் சென்னையில் இருந்து இடம் பெயர்ந்த யூனிட், சிக்கிம், ராஜஸ்தான், சண்டிகர், ஜோத்பூர் உள்ளிட்ட பகுதிகளில் படப்பிடிப்பு நடத்தி வந்தது. சில மாத இடைவெளிக்கு பிறகு ஆரம்பித்த அப்படப்பிடிப்பில் இளமையான கெட்டப்பில் அஜீத் நடிக்கும் காட்சிகள் படமாக்கப்பட்டன.

அஜீத் படத்திற்கு டைட்டில் ரெடியாகி விட்டதாம்!

ஆரம்பம் படத்தில் இருந்தே அஜீத் படங்களுக்கு உடனடியாக தலைப்பு சொல்வதில்லை என்ற ஒரு சபதத்தை எடுத்துள்ளார்கள், அவரை வைத்து படம் பண்ணும் இயக்குனர்கள். இதில் வீரம் படத்தை இயக்கிய சிறுத்தை சிவா மட்டும் பூஜை அன்றே வீரம் என்ற தலைப்பினை தில்லாக அறிவித்தார்.


ஆனால், இப்போது அஜீத்தின் 55வது படத்தை இயக்கி வரும் கெளதம்மேனன், ஆரம்பத்தில் ஆயிரம் தோட்டாக்கள் என்ற பெயரை வைத்திருப்பதாக இலைமறை காய்மறையாக சொன்னார். ஆனால் அதற்கு அஜீத் என்ன சொன்னாரோ, அதன்பிறகு டைட்டீல் பற்றி அவர் வாயை திறக்கவே இல்லை. தற்போது, படம் இறுதிகட்டத்தை எட்டி விட்டது.

நேற்று சமந்தா... இன்று த்ரிஷா...!!

தென்னிந்தியத் திரையுலகில் தற்போது புதிதாக ஒரு போட்டி எழுந்துள்ளது. நடிப்பிலும், சம்பளத்திலும்தான் நடிகர், நடிகைகள் போட்டி போடுவார்கள் என்று சொல்வார்கள்.

தற்போது நடிகைகளுக்குள்ளும் ஒரு போட்டி எழுந்துள்ளது. நீச்சல் உடை என அழைக்கப்படும் 'பிகினி'யில் நடிப்பதுதான் அந்த போட்டி. 'அஞ்சான்' படத்தில் சில நிமிடங்களே வரும் ஒரு காட்சியில் பிகினி உடையில் சமந்தா நடித்து அனைவரையும் பேச வைத்து விட்டார். தென்னிந்திய நடிகைகளில் சமீப காலமாக யாருமே அப்படி நடிக்காத நிலையில் சமந்தாவின் இந்த புதிய 'அஞ்சாத' அவதாரம் பரபரப்பை ஏற்படுத்தியது. அவருக்கடுத்து தற்போது த்ரிஷா பிகினி உடையில் தோன்ற உள்ளாராம்.

சத்தமில்லாமல் காய் நகர்த்துகிறார் த்ரிஷா!

கோடம்பாக்கத்துக்கு லேட்டஸ்டாக இறக்குமதியான நடிகைகளில் லட்சுமிமேனனுக்கு பிறகு எந்த நடிகையும் பெரிய அளவில் வளரவில்லை. எதிர்பார்க்கப்பட்ட நஸ்ரியா, மலையாள நடிகர் பஹத்பாசிலை திருமணம் செய்து கொள்ளப்போவதாக நடிப்புக்கு கல்தா கொடுத்து விட்டார்.

இதன்காரணமாக, பத்து வருடங்களாக கோலேச்சி கொண்டிருக்கும் த்ரிஷா, நயன்தாரா, காஜல்அகர்வால் போன்ற சில முத்தின நடிகைகள்தான் தற்போது கோலிவுட்டின் நம்பிக்கை நட்சத்திரமாக திகழ்கிறார்கள். இதில் நயன்தாரா, காஜல் இருவரும் சம்பள விவகாரத்தில் இன்னமும் பழைய ஞாபகத்தில் உச்சத்திலேயே நின்று கொண்டிருக்கிறார்கள்.

டாட்டூ வேண்டவே வேண்டாம் ! நடிகைகளை உஷார்படுத்தும் நயன்தாரா!!

சமீபகாலமாக தங்களது உடம்பில் சில முக்கிய பகுதிகளை தவிர அனைத்து ஏரியாக்களிலும் டாட்டூ வரைந்து அழகு பார்ப்பதில் பெருபாலான நடிகைகள் ஆர்வம் காட்டுகின்றனர். கோலிவுட்டைப் பொறுத்தவரை, குஷ்பூ, த்ரிஷா, ப்ரியாமணி, நயன்தாரா, ஸ்ருதிஹாசன் ஆகியோர் முக்கிய இடம் பிடிக்கிறார்கள்.

இவர்களில் த்ரிஷா தனது கழுத்துக்கு சற்று கீழே நெஞ்சுக்கு சற்று மேலே ஒரு டாட்டூவை ரொம்ப நாளாக வைத்திருக்கிறார். சில படங்களில் அவர் இறக்கமாக டிரஸ் அணியுமபோது அந்த டாட்டூ வெளியில் எட்டிப்பார்க்கும். அதேபோல், நயன்தாரா, தனது மாஜி காதலரான பிரபுதேவாவின் பெயரை தனது வலது கையில் டாட்டூ வரைந்திருக்கிறார். அதேபோல், இடை, தொடை என்று சில டாட்டூக்களை வரைந்து வைத்திருக்கிறார்.

அஞ்சலியை அலற வைத்த த்ரிஷா!

சேட்டை படத்திற்கு பிறகு தமிழில் எந்த படத்திலும் நடிக்கவில்லை அஞ்சலி. சித்தியுடன் பிரச்சினை, டைரக்டர் களஞ்சியத்துடன் பிரச்சினை போன்ற காரணங்களால் அவர் இனிமேல் தெலுங்கு படங்களில் மட்டுமே நடிப்பார். தமிழுக்கு வர மாட்டார் என்று கூறப்பட்டு வந்த நிலையில், சுராஜ் இயக்கும் ஜெயம்ரவி படத்தின் மூலம் மீண்டும் தமிழில் என்ட்ரி கொடுத்திருக்கிறார் அஞ்சலி.

இந்த படத்தில் கிராமத்து பெண்ணாக நடிக்கிறார் அஞ்சலி. இதே படத்தில் இன்னொரு மாடர்ன் ரோலுக்கு நடிகை தேடி வந்தவர்கள், மெட்ராஸ் படத்தில் நடித்துள்ள கேத்ரின் தெரசாவை நடிக்க வைக்க முடிவு செய்திருந்தனர். ஆனால், அது ரொம்ப மெச்சூரிட்டியான வேடம். தமிழில் இன்னும் கேத்ரின் தெரசா நடித்த படமே வெளியாகாத நிலையில், அவரை நம்பி பவர்புல் வேடத்தை கொடுக்க வேண்டும் என்று முடிவு செய்தவர்கள் இப்போது அந்த படத்துக்கு த்ரிஷாவை புக் பண்ணியுள்ளனர்.