கமல் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கமல் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

கமலின் அடுத்த படம் "வாமமார்க்கம்"

கமல்ஹாசன் நடிப்பில் பாபநாசம், உத்தமவில்லன் மற்றும் விஸ்வரூபம் -2 என வரிசை கட்டி படங்கள் வெளிவர உள்ள நிலையில், அவர் அடுத்த படத்திற்கு தயாராகி விட்டார் என்று தகவல் தெரிவிக்கின்றன. இதனை மெய்ப்பிக்கும் வகையிலேயே, மகள் ஸ்ருதிஹாசனின் கேள்விக்கு கமல் பதிலளித்துள்ளார்.

அதில் கமல் கூறியுள்ளதாவது, என்னுடைய அடுத்த படம் குறித்து ஏற்கனவே முடிவெடுத்து விட்டேன். அதற்கு "வாமமார்க்கம்" என்று பெயரிட்டுள்ளேன். வாமமார்க்கம் என்றால் எனக்கு தெரிந்தவரை, இடது கை பாதை என்று பொருள்.

அஜீத் படத்திலும் 3வது நாயகியான பார்வதி நாயர்!

மலையாளம், கன்னடத்தில் அரை டஜன் படங்களுக்கு மேல் நடித்துவிட்டு தமிழுக்கு வந்திருப்பவர் பார்வதி நாயர். ஏற்கனவே ஜெயம்ரவி நடித்த நிமிர்ந்து நில் படத்தில் ஒரு சிறிய ரோலில் நடித்த இவர், அதையடுத்து ரமேஷ் அரவிந்த் இயக்கத்தில் கமல் நடித்துள்ள உத்தமவில்லன் படத்தில் நடித்திருக்கிறார். இதே படத்தில் கமலுடன் பூஜா குமார், ஆண்ட்ரியா என இரண்டு விஸ்வரூபம் பட நாயகிகள் நடித்திருக்கிறார்கள்.

இருப்பினும், அந்த படத்தில் மூன்றாவது நாயகி போன்று ஒரு வித்தியாசமான வேடத்தில் பார்வதி நாயரும் நடித்திருக்கிறார். அதோடு, இந்த படத்தில் நடித்துக்கொண்டிருக்கும்போதே, கெளதம்மேனன் இயக்கத்தில், அஜீத் நடித்து வரும் அவரது 55வது படத்திலும் பார்வதி நாயருக்கும் ஒரு கேரக்டர் கிடைக்க அந்த வேடத்திலும் நடித்து விட்டார். மேலும், இந்த படத்திலும் த்ரிஷா, அனுஷ்கா என இரண்டு மெகா நடிகைகள் இருக்க, 3வது நாயகி ரோலுக்கே கமிட்டாகியிருக்கிறாராம் பார்வதி நாயர்.

தனுசுடன் இணைகிறார் த்ரிஷா!

தமிழ் சினிமாவில் கமல், விஜய், அஜீத் என அனைத்து முன்னணி ஹீரோக்களுடனும் டூயட் பாடி விட்ட த்ரிஷா ரஜினியுடனும், அவரது மருமகன் தனுசுடனுதான் இதுவரை ஜோடி சேர்ந்து நடிக்கவில்லை. இதில் ரஜினியுடன் நடிப்பதற்கு லிங்கா படத்தை இயக்கும் கே.எஸ்.ரவிக்குமார் அழைப்பார் என்று ரொம்பவே எதிர்பார்த்திருந்தார் த்ரிஷா. ஆனால், இந்தி நடிகை சோனாக்ஷி சின்ஹாவையும், தெலுங்கில் படுபிசியாக நடித்துக்கொண்டிருக்கும் அனுஷ்காவையும் அப்படத்துக்கு புக் பண்ணி த்ரிஷாவுக்கு ஏமாற்றத்தை கொடுத்து விட்டனர்.

மேலும், தனுசுடனும் நடிப்பதற்கு ஏற்கனவே பலமுறை முயற்சி எடுத்து தோல்வி கண்டு வந்த த்ரிஷாவை, ஆடுகளம் படத்தில் நடிப்பதற்கு அழைத்தார் வெற்றிமாறன். ஆனால், அப்போது சில தெலுங்கு படங்களில் பிஸியாக இருந்ததால் த்ரிஷாவால் அவர்கள் கேட்ட தேதிக்கு கால்சீட் கொடுக்க முடியாமல் போனது. அதனால்தான் அந்த வாய்ப்பு டாப்சிக்கு சென்றது. வெள்ளாவி நடிகை என்ற அடைமொழியையும் அப்படம அவருக்கு கொடுத்தது.

நடிப்பை தொடர கௌதமி ஆர்வம்.

நீண்ட இடைவெளிக்கு பின் தற்போது, கமலின், 'பாபநாசம்' படத்தில், அவருக்கு ஜோடியாக நடித்து வருகிறார் கௌதமி. ஏற்கனவே, கமலுடன், 'நம்மவர், தேவர்மகன், அபூர்வ சகோதரர்கள்' என, சில படங்களில் நாயகியாக நடித்த கௌதமி, இப்படத்தில் அவரது மனைவியாக நடிக்கிறார்.

 'பாபநாசம்' படத்தில், திருநெல்வேலி தமிழச்சியாக நடிக்கும் கௌதமி, இதுவரை, அந்த படத்தின் ஒரிஜினலான, 'த்ரிஷ்யம்' மலையாள படத்தை பார்க்கவில்லையாம். இந்த ரீ-என்ட்ரிக்கு பின், இனி தொடர்ந்து நடிக்க விரும்புவதாகவும் சொல்கிறார்.

திருநெல்வேலி தமிழச்சியாக மாறிய கெளதமி!

தமிழில் குரு சிஷ்யன் படத்தில் அறிமுகமானவர் கெளதமி. அந்த படத்தில் ரஜினிக்கு ஜோடியாக நடித்திருந்தார். முதல் படம் ஹிட்டாக அமைந்ததோடு சூப்பர் ஸ்டாருடன் டூயட் பாடியதால் அதன்பிறகு முன்னணி நடிகையாகி விட்டார் கெளதமி.

பின் கமலுடன், நம்மவர், அபூர்வ சகோதரர்கள், தேவர் மகன் போன்ற படங்களில் நடித்திருந்தார். அப்போது கமலுடன் ஏற்பட்ட நட்பு காரணமாக, தற்போது அவர் நடித்து வரும் த்ரிஷ்யம் ரீமேக்கான பாபநாசம் படத்திலும் நடித்து வருகிறார். மலையாளத்தில் மீனா நடித்த ரோலில் நடிக்கும் கெளதமி, அந்த படம் மலையாளம், தெலுங்கு, கன்னடம் என மூன்று மொழிகளில் வெளியானபோதும் எந்த மொழியிலும் அப்படத்தை அவர் பார்க்கவில்லையாம்.

கிளீன் இந்தியா - மோடி அழைப்பு - கமல் ஏற்பு! 90 லட்சம் பேரை இணைக்க திட்டம்!!

கிளீன் இந்தியா திட்டத்தில், கமலும் பங்கேற்க வேண்டும் என மோடி விடுத்த அழைப்பை கமல் ஏற்றுக்கொண்டுள்ளார், மேலும் இதில் 90 லட்சம் பேரை இணைக்க எண்ணுவதாக அவர் கூறியுள்ளார். அமெரிக்க பயணத்தை முடித்து கொண்டு இந்தியா திரும்பிய பிரதமர் நரேந்திர மோடி, நேற்று காந்தி ஜெயந்தி அன்று, சுத்தமான இந்தியாவை உருவாக்க, கிளீன் இந்தியா எனும் திட்டத்தை தொடங்கி வைத்தார்.

மேலும் இதில் நடிகர்கள் கமல்ஹாசன், சல்மான் கான், ப்ரியங்கா சோப்ரா, கிரிக்கெட் வீரர் சச்சின் உள்ளிட்டோரும் பங்கேற்க வேண்டும் என்று கூறினார். மோடியின் அழைப்பை ஒவ்வொருவராக ஏற்று வருகின்றனர்.

ஆண்ட்ரியாவுக்கு மலையாளத்திலும் ஆபர்!

அனிருத்துடனான முத்தக்காட்சி புகைப்படங்கள் வெளியான பிறகு கிட்டத்தட்ட ஆண்ட்ரியா பட்டிதொட்டியெல்லாம் பரவி விட்டார். அவரை தெரியாத ரசிகர்களே இல்லை என்கிற நிலை உருவானது.

மேலும் அதன்பிறகுதான் கமலுடன் விஸ்வரூபம், விஸ்வரூபம்-2, உத்தமவில்லன் என ஒரே நேரத்தில் பூஜாகுமாரைப் போலவே 3 படங்களிலும் வரிசையாக நடித்தார் ஆண்ட்ரியா. அதையடுத்து, இப்போது அரண்மனை அவரை இன்னும் பேச வைத்து விட்டது. அப்படத்தில் ஹன்சிகா, ராய்லட்சுமியெல்லாம் இருப்பதால் ஆண்ட்ரியாவை டம்மியாகத்தான் நடிக்க வைத்திருப்பார்களோ என்று பார்த்தால், அவர்தான் படத்தின் லீடு ரோலில் நடித்திருக்கிறார்.

ஆண்ட்ரியாவுக்கு அங்கீகாரம் கொடுத்த அரண்மனை!

நடிகை, பாடகியாக இரண்டு முகம் காட்டி வந்த ஆண்ட்ரியா, தரமணி படத்தில் ஒரு பாடலுக்கு இசையமைத்து எழுதி பாடி இசையமைப்பாளராகவும் தனது மூன்றாவது முகத்தை வெளிப்படுத்தியிருக்கிறார். இதற்கிடையே கமலுடன் விஸ்வரூபம் படத்தில் நடித்த அவர், அதற்கடுத்து விஸ்வருபம்-2, உத்தமவில்லன் ஆகிய படங்களிலும் நடித்து வரிசையாக கமலுடன் 3 படங்களில் நடித்த நடிகை என்ற பெயரை பெற்றிருக்கிறார்.

இந்த நிலையில், இதுவரை ஏ கிளாஸ் நடிகை என்ற பட்டியலிலேயே இருந்து வந்த ஆண்ட்ரியா தற்போது சுந்தர்.சியின் அரண்மனை படம் மூலம் பி அண்ட் சி கிளாஸ் ரசிகர்களையும் சென்றடைந்திருக்கிறார். இதனால் சுந்தர்.சி ஒரே படத்தில் என்னை பட்டிதொட்டியெல்லாம் கொண்டு சேர்த்து விட்டார் என்று குதூகலிக்கிறார் ஆண்ட்ரியா.

ஐ பட ஆடியோ விழாவுக்கு விஜய் வருவாரா?

கமல் நடித்த தசாவதாரம் படத்தின் ஆடியோ விழா நடந்தபோது ஜாக்கிசான் சென்னைக்கு வந்திருந்தார். அப்போது முதல்வராக இருந்த கருணாநிதியும் அந்த விழாவில் கலந்து கொண்டார். அதோடு, கமல், மம்மூட்டி, விஜய், மல்லிகா ஷெராவத் உள்பட பலர் கலந்து கொண்டனர்.

அந்த விழாவை வெற்றிகரமாக நடத்திய அதே ஆஸ்கர் பிலிம்ஸ் இப்போது ஐ படத்தின் ஆடியோ விழாவுக்காக அர்னால்டை அழைத்து வருகிறது.
வருகிற 15-ந்தேதி விழா நடப்பதாக கூறி விட்டபோதிலும், இன்னும் அழைப்பிதழ்களோ, விழா எங்கு நடக்கிறது என்பது போன்ற செய்திகளோ அந்த நிறுவனத்திடமிருந்து அறிவிக்கப்படவில்லை. எல்லாம் யூகத்தின் அடிப்படையில்தான் ஓடிக்கொண்டிருக்கிறது.

என் மகனை கமல் அறிமுகம் செய்வது பெருமையாக உள்ளது! - நடிகர் ஜெயராம் உருக்கம்

நடிகர் ஜெயராமின் மகன் காளிதாஸை நேற்று மீடியாக்களுக்கு அறிமுகம் செய்து வைத்த விழாவில் கமல் கலந்து கொண்டார். த்ரிஷ்யம் தமிழ் ரீமேக்கான பாபநாசம் படப்பிடிப்புக்காக தூத்துக்குடியில் இருந்தவர், ஜெயராம் சொன்ன ஒரே காரணத்துக்காக படப்பிடிப்பை ரத்து செய்து விட்டு இந்த விழாவில் கலந்து கொண்டார்.

அதனால் கமலின் இந்த வருகையை பெருமையோடு குறிப்பிட்ட நடிகர் ஜெயராம். இந்த விழாவுக்கு நான் ஒரு நடிகராக வரவில்லை. ஒரு தந்தையாகத்தான் வந்திருக்கிறேன்.

அமலாவை கிண்டல் செய்த ரஜினிகாந்த்!

மேற்கு வங்காளத்தை சேர்ந்த நடிகை அமலாவை சினிமாவில் அறிமுகம் செய்தவர் டி.ராஜேந்தர். அவரது மைதிலி என்னை காதலிதான் அமலாவுக்கு முதல் படம்.

அந்த படத்திலேயே தனது கண் அசைவுகளால், அற்புத நடனத்தால் தமிழ் ரசிகர்களை கொள்ளை கொண்ட அமலா அதையடுத்து மோகன் நடித்த மெல்லத்திறந்தது கதவு படத்தில் நடித்தார். அந்த படமும சூப்பர் ஹிட்டாக அமைந்ததால் அதையடுத்து கோலிவுட்டின் முக்கிய நடிகையாகி விட்டார் அமலா.

ரஜினியுடன் வேலைக்காரன், கொடி பறக்குது, மாப்பிள்ளை, கமலுடன் பேசும் படம், சத்யா, வெற்றி விழா என ஹிட் படங்களாக நடித்தபோது அவர் மார்க்கெட் உச்சத்தில் இருந்தது. அதோடு, தெலுங்கு, மலையாள படங்களிலும் நடித்து வந்தார். ஆனால் அப்போதில் இருந்தே விலங்குகளிடம் அன்பு காட்டி வந்தாராம் அமலா.

பாபநாசம் படத்தில் கமலின் மனைவியாக கெளதமி நடிக்கிறார்!

மலையாளத்தில் மோகன்லால்-மீனா நடித்த படம் த்ருஷ்யம். கேளாவில் மெகா ஹிட்டான இப்படம், பின்னர் தெலுங்கு, கன்னடத்திலும் ரீமேக்காகி வெளியானது. இதில் தெலுங்கில் அப்படம் பெரிய அளவில் வெற்றி பெற்றுள்ளது.

இதையடுத்து அப்படத்தின் தமிழ் ரீமேக் பாபநாசம் என்ற பெயரில் தயாராகிறது. மோகன்லால் நடித்த வேடத்தில் கமல் நடிக்கிறார். அதேசமயம், மலையாள படங்களின் கதை தமிழ்நாட்டில் பெரிய அளவில் ஒர்க்அவுட்டாகாது என்பதால், தமிழுக்காக கதையில் நிறைய மாற்றங்கள் செய்துள்ளனர். திருநெல்வேலியில் நடக்கும் கதையாக மாற்றியிருக்கும் கமல், முதன்முறையாக திருநெல்வேலி தமிழ் பேசியும் நடிக்கிறார். தற்போது உத்தமவில்லன் படப்பிடிப்பு முடிந்து விட்டதால் நெல்லை தமிழ் பேசும் பயிற்சியிலும் இறங்கி விட்டார்.

ஆண்களின் கண்ணீருக்கு கண்ணியம் தேடி தந்தவர் ராபின் வில்லியம்ஸ்! கமல் இரங்கல்

பிரபல ஹாலிவுட் நடிகர் ராபின் வில்லியம்ஸின் மறைவுக்கு நடிகர் கமல்ஹாசன் தனது இரங்கலை தெரிவித்துள்ளார். இதுகுறித்து அவர் வெளியிட்டுள்ள செய்தியில் கூறியிருப்பதாவது, பொதுவாக நகைச்சுவை நடிகர்கள் தான் இந்த சமூகத்தின் மிக சிறந்த விமர்சகர்கள், தங்களது கோபத்தை கூட நகைச்சுவையாக வெளிப்படுத்த கூடியவர்கள்.

கோபத்தை தொடர்ந்து அடக்குவதால் தான் மன அழுத்தத்திற்கு ஆளாகிறார்கள். மிக எளிதில் அழுது விடும் இயல்பு கொண்டவர் ராபின் வில்லியம்ஸ். இதை அவரது படங்களில் காணலாம்.

விஸ்வரூபம்-2 எப்போது வேண்டுமானாலும் வெளியாகலாம்! கமல் வெளியிட்ட தகவல்!

கமலின் விஸ்வரூபம் படம் பல தடைகள், சர்ச்சைகளை தாண்டி வெளிவந்து சூப்பர் ஹிட்டானது. அந்த படத்தை எடுத்து வந்தபோது இரண்டாம் பாகத்துக்கு தேவையான பெரும்பாலான காட்சிகளையும் அதே படப்பிடிப்பு தளங்களில் படமாக்கி விட்டார் கமல். அதனால்தான், முதல் பாகத்திலேயே இரண்டாம் பாகம் தொடரும் என்று குறிப்பிட்டிருந்தார்.

அதேபோல், அப்படத்தையும் உடனடியாக தொடங்கினார் கமல். முதல் பாகத்தை தானே தயாரித்தவர், இரண்டாம் பாகத்தில் ஆஸ்கர் பிலிம்சுடன் கூட்டணி வைத்துக்கொண்டார். பல மாதங்களுக்கு முன்பே படப்பிடிப்பு முடிந்து, அப்படத்தின் போஸ்ட் புரொடக்சன்ஸ் வேலைகள் சில மாதங்களாக நடந்து கொண்டிருக்கிறது.

கமல் நடிக்கும் தமிழ் திரிஷ்யம் ஆகஸ்டில் தொடங்குகிறது:

மலையாளத்தில் வெளியாகி சூப்பர் ஹிட்டான படம் திரிஷ்யம். மோகன்லால், மீனா நடித்திருந்தனர். இந்தப் படம் இந்தியாவின் அத்தனை மொழிகளிலும் ரீமேக் ஆகிக் கொண்டிருக்கிறது. தெலுங்கில் நடிகை ஸ்ரீப்ரியா இயக்கி இருந்தார். அங்கும் வெற்றிகரமாக ஓடிக் கொண்டிருக்கிறது. கன்னடத்தில், பி.வாசு இயக்கினார், அங்கும் சூப்பர் ஹிட்டாகியுள்ளது.

இதன் தமிழ் ரீமேக்கை மலையாளத்தில் இயக்கிய ஜீது ஜோசப்பே இயக்குகிறார். மோகன்லால் நடித்த கேரக்டரில் கமல் நடிக்கிறார்.