சுந்தர்.சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
சுந்தர்.சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சுந்தர்.சியின் செண்டிமெண்ட் நடிகராம் சந்தானம்!

விஷால் நடித்த பட்டத்து யானை படத்தில் சந்தானம்தான் பிரதான காமடியன். அந்த படம் வெற்றி பெறாதபோதும் சந்தானத்தின் காமடிக்காக சில நாட்கள் ஓடியது. அதையடுத்து மதகஜராஜா படத்திலும் சந்தானம் இடம்பெற்றார. ஆனால் அந்த படம் சில காரணங்களால் கிடப்பில் கிடக்கின்றது. இந்த நிலையில், தற்போது சுந்தர்.சி இயக்கத்தில் விஷால் நடித்து வரும் ஆம்பள படத்திலும் நடிக்கிறார் சந்தானம்.

விஷாலைப் பொறுத்தவரை சந்தானம் தனது பிரதான காமெடியனாக நினைக்கவில்லை என்றபோதும், சுந்தர்.சியோ அவரை தனது செண்டிமென்ட் நடிகராக நினைக்கின்றார். காரணம், தனது இயக்கத்தில் சந்தானம் நடித்த கலகலப்பு, தீயா வேலை செய்யணும் குமாரு, அரண்மனை போன்ற படங்கள் தொடர்ச்சியாக ஹிட் என்பதால் எனக்கு சந்தானம் கண்டிப்பாக தேவை என்று சொல்லி ஆம்பள படத்திலும் அவரை நடிக்க வைக்கிறார்.

ஆம்பள படத்தில் ஹன்சிகாவுக்கும் வெயிட்டான வேடமாம்!

சுந்தர்.சி இயக்கத்தில் தீயா வேலை செய்யனும் குமாரு படத்தில் நடித்த ஹன்சிகா, இப்போது அரண்மனை படத்திலும் நடித்துள்ளார். முன்னணியில் இருக்கும் நடிகை என்றபோதும், அந்த படத்தில் முக்கிய வேடத்தில் நடிக்க ஆண்ட்ரியாவுக்கு வழி விட்டு தான் ப்ளாஸ்பேக்கில் வந்து செல்லும் ஒரு வேடத்திலேயே நடித்திருந்தார். அதனால்தான் அரண்மனை ஆடியோ விழாவில், இன்றைக்கு ஹன்சிகாவின் மார்க்கெட் கெட்டியாக உள்ளது.

ஆனபோது அவர் இந்த படத்தில் இப்படியொரு வேடத்தில் நடித்தது எனக்கே ஆச்சர்யமாக உள்ளது என்றார்.அதோடு, தான் சொன்ன ஒரே காரணத்திற்காக சிறிய வேடத்தில்கூட தயங்காமல் நடித்ததால் தற்போது தான் விஷாலை வைத்து இயககி வரும் ஆம்பள படத்தில் ஹன்சிகாவை நாயகியாக்கியிருக்கும் சுந்தர்.சி., அவரது இன்னொரு முகத்தை காண்பிக்கும் வகையில் ஹன்சிகாவின் கதாபாத்திரத்திற்கு சில வெயிட்டான காட்சிகளையும் சேர்த்திருக்கிறாராம்.

சுந்தர்.சி இயக்கத்தில், 'ஆம்பள' படத்தில் நடிக்கிறாரா குஷ்பூ?

சுந்தர்.சி. இயக்கிய அரண்மனை கடந்த செப்டம்பர் 19ஆம் தேதி வெளியானது. அதன் பிறகு வெளியான படங்கள் எல்லாம் தியேட்டரைவிட்டு ஓடிய பிறகும், அரண்மனை படம் இன்னமும் வெற்றிகரமாக திரையரங்குகளில் ஓடிக்கொண்டிருக்கிறது. அரண்மனை படத்தைத் தொடர்ந்து தற்போது ஆம்பள என்ற படத்தை இயக்கி வருகிறார் சுந்தர்.சி. ஹீரோ விஷால்.

ஹரி இயக்கும் பூஜை படத்தின் படப்பிடிப்பு, டப்பிங் வேலைகள் அனைத்தையும் முடித்துவிட்டு, தற்போது ஆம்பள படத்தில் நடித்துக் கொண்டிருக்கிறார் விஷால். இப்படத்தில் விஷாலுக்கு அத்தைகளாக ரம்யா கிருஷ்ணன், ஐஸ்வர்யா, கிரண் ஆகியோர் நடிக்கின்றனர். அவர்களின் மகள்களாக ஹன்சிகா, மாதவி லதா, மதூரிமா ஆகியோர் நடித்து வருகிறார்கள்.

விஷாலின் லக்கி நடிகையாம் லட்சுமிமேனன்!

பாண்டியநாடு படத்திற்கு பிறகு விஷாலின் மார்க்கெட்டும் எகிறி நிற்கிறது. கூடவே அவரிடமே தயாரிப்பு நிறுவனமும் இருப்பதால் அவரை வைத்து படம் இயக்க முன்னணி டைரக்டர்களும் கதை சொல்ல முற்றுகையிட்டு வருகின்றனர்.

இருப்பினும், விஷாலைப் பொறுத்தவரை நட்புக்கு முக்கியத்துவம் கொடுப்பவர் என்பதால், தன்னை வைத்து ஹிட் கொடுத்த இயக்குனர்களுக்கு மட்டுமே தற்போது கால்சீட கொடுத்து வருகிறார். அந்தவகையில், தாமிரபரணியை இயக்கிய ஹரி இயக்கத்தில் பூஜையில் நடிப்பவர், மதகஜராஜா படத்தை இயக்கிய சுந்தர்.சி இயக்கும் ஆம்பள படத்தில் தற்போது நடித்துக் கொண்டிருக்கிறார். இதில் மதகஜராஜா படம் இன்னும் வெளியாகவில்லை என்றபோதும் சுந்தர்.சி மீதுள்ள நட்பில் அவரது படத்தில் நடிக்கிறார். இதையடுத்து பாண்டியநாடு படத்தை இயக்கிய சுசீந்திரன் இயக்கும் படத்தில் அதன்பிறகு நடிக்கவிருக்கிறார்.

ஆண்ட்ரியாவுக்கு அங்கீகாரம் கொடுத்த அரண்மனை!

நடிகை, பாடகியாக இரண்டு முகம் காட்டி வந்த ஆண்ட்ரியா, தரமணி படத்தில் ஒரு பாடலுக்கு இசையமைத்து எழுதி பாடி இசையமைப்பாளராகவும் தனது மூன்றாவது முகத்தை வெளிப்படுத்தியிருக்கிறார். இதற்கிடையே கமலுடன் விஸ்வரூபம் படத்தில் நடித்த அவர், அதற்கடுத்து விஸ்வருபம்-2, உத்தமவில்லன் ஆகிய படங்களிலும் நடித்து வரிசையாக கமலுடன் 3 படங்களில் நடித்த நடிகை என்ற பெயரை பெற்றிருக்கிறார்.

இந்த நிலையில், இதுவரை ஏ கிளாஸ் நடிகை என்ற பட்டியலிலேயே இருந்து வந்த ஆண்ட்ரியா தற்போது சுந்தர்.சியின் அரண்மனை படம் மூலம் பி அண்ட் சி கிளாஸ் ரசிகர்களையும் சென்றடைந்திருக்கிறார். இதனால் சுந்தர்.சி ஒரே படத்தில் என்னை பட்டிதொட்டியெல்லாம் கொண்டு சேர்த்து விட்டார் என்று குதூகலிக்கிறார் ஆண்ட்ரியா.

ஆண்ட்ரியா-ராய்லட்சுமியை மூடுஅவுட் செய்த ஹன்சிகா!

சுந்தர்.சி இயக்கியுள்ள அரண்மனை படம் பிரமாண்டமான முறையில் உருவாகியிருக்கிறது. குறிப்பாக தமிழ்நாட்டு ரசிகர்களை விட ஆந்திரவாலாக்கள் அந்த படத்தை கொண்டாடுவார்கள். அந்த அளவுக்கு அவர்களுக்கே உரித்தான பேய், மந்திரவாதி என மிரட்டலாக தயாராகியிருக்கிறது.

அதோடு, சந்தானம், வினய், ஹன்சிகா, ராய் லட்சுமி, ஆண்ட்ரியா, சுந்தர்.சி உள்பட ஒரு பெரும் நட்சத்திர பட்டாளமே இந்த படத்தில் நடித்துள்ளனர். ஆனால், ஹன்சிகாவுக்கே படத்தில் பிரதான வேடமாக இருக்கும் என்று நாம் நினைத்தாலும், இன்றைக்கு முன்னணியில் இருக்கும் ஒரு நடிகை நடிக்கக்கூடிய அளவுக்கு அது வெயிட்டான வேடம் இல்லை என்று சொல்லும் சுந்தர்.சி., அவர் இந்த வேடத்தை ஏற்று நடித்ததே ரொம்ப பெரிய விசயம் என்கிறார். அதனால் அந்த படத்தில் நடித்தவர்களில் ஹன்சிகாவுக்கு ஸ்பெசல் தேங்க்ஸ் சொல்கிறார் சுந்தர்.சி.

ஆர்யாவைத் தொடர்ந்து அரட்டை நாயகனாகும் வினய்!

உன்னாலே உன்னாலே படத்தில் அறிமுகமானவர் வினய். அதையடுத்து, பல படங்களில் நடித்த இவர் தற்போது டைரக்டர் சரணின் ஆயிரத்தில் இருவர், சுந்தர்.சியின் அரண்மனை ஆகிய படங்களில் நடித்துக்கொண்டிருக்கிறார். இந்த இரண்டு படங்களிலுமே தலா 3 நடிகைகள் கதாநாயகிகளாக நடிக்கிறார்கள்.

இதில், ஆயிரத்தில் இருவர் படத்தில் சாமுத்திரிகா, சுவாஸ்திகா, கேஷா என மூன்று புதுமுகங்களுடன் நடித்திருப்பவர், அரண்மனை படத்திலோ ஹன்சிகா, ஆண்ட்ரியா, ராய் லட்சுமி போன்ற முன்னணி நடிகைகளுடன் நடித்திருக்கிறார். இதனால் இந்த படங்களின் படப்பிடிப்பு நடக்கும் ஸ்பாட்டில் எந்நேரமும் இந்த நடிகைகளுடன் அரட்டையடிப்பதையே முக்கிய வேலையாக செய்து கொண்டிருக்கிறாராம் வினய்.

சுந்தர்.சியின் இயக்கத்தில் "அரண்மனை"

தீயா வேலை செய்யனும் குமாரு படத்தையடுத்து சுந்தர்.சி இயக்கியுள்ள படம் அரண்மனை. இந்த படத்தில், ஹன்சிகா மோத்வானி முக்கிய வேடத்தில் நடிக்க, அவருடன் சுந்தர்.சியும் ஒரு வக்கீல் வேடத்தில் நடித்திருக்கிறார். மேலும், சந்தானம், லட்சுமிராய், வினய், ஆண்ட்ரியா ஆகியோரும் நடித்திருக்கிறார்கள்.

சந்திரமுகி பாணியில் ஒரு அரண்மனையில் நடக்கும் பிரச்சினையை மையமாக வைத்து இப்படம் உருவாக்கப்பட்டுள்ளது. முக்கியமாக ஹன்சிகாவுக்கும், சந்தானத்துக்குமிடையே அந்த அரண்மனை யாருக்கு சொந்தம் என்பதை மையமாக வைத்துதான் கதை நகர்த்தப்பட்டுள்ளதாம். அந்த வகையில், திகில், காமெடி என இரண்டும் கலந்த ஒரு கதையில் படம் உருவாகியுள்ளதாம்.