பாபநாசம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
பாபநாசம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

கமலஹாசன் மீண்டும் மருத்துமனையில் அனுமதி

கமலஹாசன் தற்போது பாபநாசம் படத்தில் நடித்து வருகிறார். இப்படத்தின் படப்பிடிப்புக்கள் நெல்லை மற்றும் தூத்துக்குடியை சுற்றி உள்ள பகுதிகளில் படமாக்கப்பட்டு வருகிறது.மலையாளத்தில் சூப்பர் ஹிட்டான த்ரிஷ்யம் படத்தின் ரீமேக்கான பாபநாசம் படத்தில் வரும் ஒரு சண்டைகாட்சி மட்டும் கேரளாவில் எடுக்கப்படுகிறது. இதன் சூட்டிங் நேற்று நடைபெற்றது.

அப்போது கமலின் மூக்கில் காயம் ஏற்பட்டது. இதன் காரணமாக அவருக்கு மூச்சு திணறல் ஏற்பட்டுள்ளது. இதனையடுத்து அவர் உடனடியாக மருத்துவமனையி்ல் சிகிச்சைக்காக அனுமதி்க்கப்பட்டார்.

நடிப்பை தொடர கௌதமி ஆர்வம்.

நீண்ட இடைவெளிக்கு பின் தற்போது, கமலின், 'பாபநாசம்' படத்தில், அவருக்கு ஜோடியாக நடித்து வருகிறார் கௌதமி. ஏற்கனவே, கமலுடன், 'நம்மவர், தேவர்மகன், அபூர்வ சகோதரர்கள்' என, சில படங்களில் நாயகியாக நடித்த கௌதமி, இப்படத்தில் அவரது மனைவியாக நடிக்கிறார்.

 'பாபநாசம்' படத்தில், திருநெல்வேலி தமிழச்சியாக நடிக்கும் கௌதமி, இதுவரை, அந்த படத்தின் ஒரிஜினலான, 'த்ரிஷ்யம்' மலையாள படத்தை பார்க்கவில்லையாம். இந்த ரீ-என்ட்ரிக்கு பின், இனி தொடர்ந்து நடிக்க விரும்புவதாகவும் சொல்கிறார்.

பாபநாசம் படத்தில் கமலின் மனைவியாக கெளதமி நடிக்கிறார்!

மலையாளத்தில் மோகன்லால்-மீனா நடித்த படம் த்ருஷ்யம். கேளாவில் மெகா ஹிட்டான இப்படம், பின்னர் தெலுங்கு, கன்னடத்திலும் ரீமேக்காகி வெளியானது. இதில் தெலுங்கில் அப்படம் பெரிய அளவில் வெற்றி பெற்றுள்ளது.

இதையடுத்து அப்படத்தின் தமிழ் ரீமேக் பாபநாசம் என்ற பெயரில் தயாராகிறது. மோகன்லால் நடித்த வேடத்தில் கமல் நடிக்கிறார். அதேசமயம், மலையாள படங்களின் கதை தமிழ்நாட்டில் பெரிய அளவில் ஒர்க்அவுட்டாகாது என்பதால், தமிழுக்காக கதையில் நிறைய மாற்றங்கள் செய்துள்ளனர். திருநெல்வேலியில் நடக்கும் கதையாக மாற்றியிருக்கும் கமல், முதன்முறையாக திருநெல்வேலி தமிழ் பேசியும் நடிக்கிறார். தற்போது உத்தமவில்லன் படப்பிடிப்பு முடிந்து விட்டதால் நெல்லை தமிழ் பேசும் பயிற்சியிலும் இறங்கி விட்டார்.