கத்தி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கத்தி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

'வேற மாதிரி பேசி' சிக்கிய விஜய்...!

நெல்லையில் இரு நாட்களுக்கு முன் நடந்த 'கத்தி' படத்தின் 50வது நாள் வெற்றி விழாவில் விஜய் பேசும் போது, “நம்மள வெட்ட வர்ற எதிரி கிட்ட நாம வெள்ளைக் கொடி காட்டிட்டு நிக்க முடியாது இல்லையா, அவனோட போக்குலயே விட்டுடணும். சாஃப்ட்டா பேசினால் சாஃப்ட்டா பேசணும், வேற மாதிரி பேசினால் நாமளும் வேற மாதிரி பேசணும்,” சினிமாவில் பேசும் பன்ச் வசனம் போலவே பேசி அவருடைய ரசிகர்களிடையே பலத்த கைத்தட்டல்களை வாங்கினார்.

அஜித் ரசிகர்களைப் பற்றித்தான் அவர் அப்படிப் பேசினார் என்பதைப் புரிந்து கொண்ட அஜித் ரசிகர்கள் நேற்று முழுவதும் “வேற மாதிரி விஜய்”, “வேற மாதிரி மீமீ” என விஜய்யை பயங்கரமாகக் கிண்டலடித்து அந்த வார்த்தைகளை டிவிட்டர் டிரெண்டிங்கில் கொண்டு வந்து விட்டனர்.

இந்தியில் இசையமைப்பாளராக அறிமுகமாகும் அனிருத்

முருகதாஸ்-விஜய் கூட்டணியில் தற்போது வெளியாகியுள்ள படம் ‘கத்தி’. இதில் விஜய்க்கு ஜோடியாக சமந்தா நடித்திருக்கிறார். தீபாவளிக்கு வெளியான இப்படம் திரையரங்குகளில் வெற்றிகரமாக ஓடிக்கொண்டிருக்கிறது. இப்படத்திற்கு அனிருத் இசையமைத்திருந்தார். இவருடைய இசையில் பாடல்கள் அனைத்தும் சூப்பர் ஹிட்டாகியுள்ளது.

கத்தி படத்தின் வெற்றியைத் தொடந்து முருகதாஸ் அடுத்த பட வேலைகளை தொடங்கவுள்ளார். புதிதாக தொடங்கவுள்ள படத்தை இந்தியில் எடுக்கவுள்ளார். இதில் நாயகியாக சோனாக்‌ஷி சின்ஹா நடிக்கவுள்ளார். இப்படத்தை நாயகிக்கு முக்கியத்துவம் உள்ள படமாக உருவாக்க இருக்கிறார்.

விஜய் படத்துக்காக அரண்மனை செட்

‘கத்தி’ படத்துக்குப் பிறகு விஜய் நடிக்கும் படத்தை சிம்புதேவன் இயக்குகிறார். சுதீப், ஹன்சிகா, ஸ்ருதிஹாசன், ஸ்ரீதேவி உட்பட பலர் நடிக்கின்றனர். அந்தமான் நிக்கோபார் தீவுகளில் சோழ ராஜ்ஜியத்தின்போது நடந்த போரும் நடப்பு காலத்தில் மியூசியத்தில் நடப்பது போலவும் கதை அமைக்கப்பட்டுள்ளது.

படத்தின் தலைப்பு மாரீசன் என்று கூறிவந்தனர். ஆனால், படக்குழு மறுத்துள்ளது. இதன் ஷூட்டிங் 10&ம் தேதி சென்னை அருகே போடப்பட்டிருக்கிற பிரமாண்ட அரண்மனை அரங்கில் தொடங்குகிறது. இங்கு விஜய், ஹன்சிகா, ஸ்ரீதேவி நடிக்கும் காட்சிகள் படமாக்கப்படுகிறது. 30 நாட்கள் இங்கு ஷூட்டிங் நடக்கிறது.

லிங்கா படம் கத்தி படத்தின் கதையா? பட அதிபர் விளக்கம்

ஏ.ஆர்.முருகதாஸ்சின் இயக்கத்தில் வெளியாகி விஜய், சமந்தா ஜோடியாக நடித்த ‘கத்தி’ படம் ரிலீசாகி ஓடிக்கொண்டு இருக்கிறது. விவசாயிகள், விவசாயம், தண்ணீர் பிரச்சினைகள் போன்றவற்றை மையமாக வைத்து இப்படம் எடுக்கப்பட்டு இருந்தது. விவசாயத்துக்கு தண்ணீர் கேட்டு போராடும் இளைஞன் கேரக்டரில் விஜய் வருகிறார்.

ரஜினியின் ‘லிங்கா’ படமும் விவசாயம் மற்றும் தண்ணீர் பிரச்சினையை மையமாக வைத்தே எடுக்கப்படுவதாக கூறப்படுகிறது. ஏரி தண்ணீரை விவசாயத்துக்கு கொண்டு வருவதற்காக விவசாயிகள் பக்கம் நின்று போராடும் கேரக்டரில் ரஜினி வருகிறார் என்கின்றனர்.

கத்தி ஹிந்திக்குப் போகுமா...?

'கத்தி' படத்தைப் பற்றி பல சர்ச்சைகள், விவாதங்கள் எழுந்து வரும் நிலையில் படம் வெளியாகி பத்து நாட்களுக்கு மேல் ஆகியுள்ள நிலையில் படத்தின் வசூல் நிலவரம் ஸ்டடியாகவே இருக்கிறது என்கிறார்கள். நேற்றுடன் முடிந்த வார இறுதி வசூல் 90 கோடி ரூபாய் அளவைத் தொட்டிருக்கலாம் என்றும் சொல்கிறார்கள்.

இந்த வார முடிவிற்குள் 100 கோடி ரூபாய் வசூலைத் தாண்டினால் ஆச்சரியமில்லை என்கிறார்கள். இதனிடையே 'கத்தி' படம் தெலுங்கில் ரீமேக் ஆகுமா என்பது சந்தேகமாகிவிட்டது. இப்படத்தை டப்பிங் படமாகவே விரைவில் வெளியிட உள்ளார்கள்.

கத்தி பட தயாரிப்பாளர் சுபாஷ்கரன் அல்லிராஜா இலங்கையில் கைது?

ஏ.ஆர்.முருகதாஸ் இயக்கத்தில் விஜய் நடித்த கத்தி படத்தை தயாரித்தவர் சுபாஷ்கரன் அல்லிராஜா. இவர் லண்டனை தலைமையகமாகக் கொண்டு லைகா மொபைல் நிறுவனத்தை நடத்தி வருகிறார். இலங்கை அதிபர் ராஜபக்சேவுக்கு தொழில்ரீதியாக இவர் நெருக்கமானவர் என்பதினால்தான் லைகாபேனரில் கத்தி படம் தமிழ்நாடடில் வெளியாகக்கூடாது என்று பலத்த எதிர்ப்பு எழுந்தது.

அதையடுத்து பிரச்சினைகளுக்கு முற்றுப்புள்ளி வைத்து, தீபாவளிக்கு வெளியே வந்த கத்தி வெற்றிகரமாகவும் ஓடிக்கொண்டிருக்கிறது. அதனால் இந்த வெற்றியை கொண்டாடும் வகையில், நேற்று லைகா குழுவினர், மாலத்தீவில் இருந்து லண்டன் செல்ல திட்டமிட்டார்களாம். அதையடுத்து அவர்கள் விமானத்தில் பயணித்தபோது, அவர்களது விமானம் கொழும்பில் தரையிறங்கி லண்டன் புறப்பட தயார்நிலையில் நின்றதாம்.

'எந்திரன்' வசூலை 'கத்தி' மிஞ்சுமா...?

'கத்தி' படத்திற்கான வரவேற்பு நாளுக்கு நாள் அதிகரித்துக் கொண்டே போவதாக திரையரங்க வட்டாரங்கள் தெரிவிக்கின்றன. இந்த ஆண்டில் இதுவரை வெளிவந்த படங்களில் மிகப் பெரிய நட்சத்திரங்கள் நடித்த படங்கள் இந்த அளவிற்கு வசூலை அள்ளித் தரவில்லை என்றும் சொல்கிறார்கள்.

ஒரு சில சிறிய படங்கள் மட்டுமே வெற்றிகரமாக ஓடிய நிலையில் 'கத்தி' படத்தின் ஓட்டம் வசூல் ரீதியாக புதிய சாதனைகளைப் புரிந்து வருகிறதாம். விஜய் இதுவரை நடித்த படங்களிலேயே 'துப்பாக்கி' படம்தான் அதிக அளவில் வசூலைக் குவித்த படமாக இருந்தது. ஆனால், அந்தப் படத்தின் வசூலை 'கத்தி' ஒரு வாரத்திற்குள்ளாகவே முறியடித்துவிட்டதாகச் சொல்கிறார்கள்.தமிழ்நாட்டில் மட்டுமல்லாது வெளிநாடுகளிலும் கத்தி படத்தின் வசூல் 'எந்திரன்' வசூலை மிஞ்சவும் வாய்ப்புள்ளதாம்.

2ஜி வசன விவகாரம்: விஜய்,முருகதாஸ் மீது அவதூறு வழக்கு

கத்தி படத்தில், 2ஜி ஊழல் தொடர்பான வசனத்தை பயன்படுத்திய, நடிகர் விஜய் உட்பட குழுவினர் மீது நடவடிக்கை கோரி, மதுரை கோர்ட்டில் மனு செய்யப்பட்டுள்ளது.நாகமலைப்புதுக்கோட்டை வக்கீல் ராமசுப்பிரமணியன் மதுரை ஆறாவது மாஜிஸ்திரேட் கோர்ட்டில் தாக்கல் செய்த மனு: கத்தி திரைப்படத்தை, ஏ.ஆர்.முருகதாஸ் இயக்கியுள்ளார்.

விஜய் கதாநாயகனாக நடித்துள்ளார். படத்தின் கிளைமாக்ஸ் காட்சியில் விஜய் பேசும் போது, டில்லி பாட்டியாலா கோர்ட்டில் நிலுவையில் உள்ள, 2ஜி வழக்கு குறித்த வசனம் இடம் பெற்றிருந்தது. 2ஜி என்றால் என்னன்னு தெரியுமா...? வெறும் காற்றை வைத்து கொள்ளையடித்தவர்கள் இருக்கும் ஊரு இது என்ற வசனம், இந்த நாட்டையும், நாட்டை ஆட்சி செய்தவர்களையும் கேவலமாக சித்தரித்துள்ளது. கோர்ட்டில் நிலுவையிலுள்ள வழக்கை அரசியல் ஆதாயத்திற்காக, பல கோடி மக்கள் பார்க்கும் சினிமாவில் விஜய் யன்படுத்தியுள்ளார்.

பத்திரிகையாளர்கள் சந்திப்பில் ஒரு வார்த்தை கூட பேசாத விஜய்!

துப்பாக்கி படத்தின் மாபெரும் வெற்றிக்கு பிறகு முருகதாஸ்-விஜய் கூட்டணியில், இந்த தீபாவளி விருந்தாக வெளிவந்துள்ள படம் கத்தி. இப்படத்திற்கு நல்ல வரவேற்பு கிடைத்து, வசூலையும் குவித்து வருகிறது. இதற்கிடையே கோவையில் ரசிகர்களை சந்தித்து நன்றி தெரிவித்த விஜய், சில நலத்திட்ட உதவிகளையும் வழங்கினார்.

இந்நிலையில் கத்தி படம் வெற்றி தொடர்பாக, சென்னையில் உள்ள ஸ்டார் ஓட்டல் ஒன்றில் பத்திரிகையாளர்களை மாலையில் சந்தித்தார் நடிகர் விஜய். ஆனால் இந்த பத்திரிகையாளர்கள் சந்திப்பில் ஒரு வார்த்தை கூட பேசாத விஜய் இப்படத்தை வெற்றியடைய செய்தமைக்கு நன்றி என்று கூறிவிட்டு ஒவ்வொரு பத்திரிகையாளர்களிடமும் தனித்தனியாக நின்று போட்டோ மட்டும் எடுத்து கொண்டார். கத்தி படம் தொடர்பாக விஜய்யிடம் பல கேள்விகளை கேட்க நினைத்திருந்த பத்திரிகையாளர்கள் இறுதியில் ஏமாற்றம் அடைந்தனர்.

அனிருத்துக்கு விஜய் கொடுத்த பரிசு!

குறுகிய காலத்திலேயே கோலிவுட்டில் முன்னணி இசையமைப்பாளராக உருவெடுத்திருப்பவர் அனிருத். இவர் இசையமைத்த முதல் படமான 3 படத்தின் ஒய்திஸ் கொலவெறி பாடல் தொடங்கி தற்போது கத்தி படத்தில் இடம்பெற்றுள்ள செல்பி புள்ள பாடல் வரை அனைத்துமே ஹிட்தான்.

ஒரு பாடல் கூட சோடை போகவில்லை. அந்த அளவுக்கு தான் கம்போஸ் செய்த ஒவ்வொரு பாடல்களிலுமே ஏதாவது ஒரு புதுமை புகுத்தி ரசிகர்களை வசியப்படுத்தியுள்ளார் அனிருத். அதிலும் தற்போது விஜய்யின் கத்தி படத்துக்கு இசையமைத்ததன் மூலம் முன்னணி இசையமைப்பாளர் என்ற அங்கீகாரத்தையும் பெற்றுள்ளார் அனிருத். இந்தநிலையில், அடுத்து மேலும் சில பிரபல ஹீரோக்களின் படங்களும் அவர் பக்கம் திரும்பி நிற்கிறது.

ரசிகர்களுடன் கத்தி வெற்றியை கொண்டாடும் விஜய்-முருகதாஸ்!

கத்தி படத்தின் முதல்நாள் வசூலை வெளியிட்ட ஏ.ஆர்.முருகதாஸ், இதுவரை தமிழில் ரஜினியின் எந்திரன் படம்தான் முதல் நாள் வசூலில் முதலிடம் பிடித்து வந்தது. அதற்கடுத்து, அஜீத்தின் ஆரம்பம் இருந்தது. ஆனால் இப்போது கத்தி படம் அந்த இரண்டு படங்களையுமே பின்தள்ளி விட்டு முதலிடத்தை கைப்பற்றியுள்ளது என்று டுவிட் செய்திருந்தார்.

ஆனால் இதற்கு அஜீத் ரசிகர்கள் எந்த ரியாக்சனும் காட்டாதபோதும், ரஜினியின் ரசிகர்கள் பலத்த எதிர்ப்பு தெரிவித்து வருகிறார்கள். அதோடு வேலாயுதம் படத்தில் இருந்து விஜய் நடித்த படங்களின் முதல் நாள் வசூலை வெளியிட்டு கிண்டல் செய்யும் வகையில் கமெண்ட்டுகளும் கொடுத்து வருகின்றனர்.

12 வயதுக்கு உட்பட்டவர்கள் கத்தி படத்தை பார்க்க முடியாது!

விஜய் நடிப்பில் தீபாவளிக்கு திரைக்கு வரும் படம் கத்தி. இந்த படம் உலகமெங்கிலும் இதுவரை விஜய் படங்களுக்கு இல்லாத அளவுக்கு அதிகப்படியான தியேட்டர்களில் வெளியாகிறது. அதிலும், பிரிட்டனில் 70 தியேட்டர்களில் திரையிடப்படுகிறதாம். இதற்கு முன்பு ரஜினி நடித்த எந்திரன் கூட பிரிட்டனில் 30 தியேட்டர்களில்தான் வெளியாகியிருக்கிறது.

ஆக, ரஜினி பட சாதனையை தற்போது விஜய் படம் முறியடித்திருக்கிறது. மேலும், அங்கு வெளியாகும் கார்ட்டூன் படங்களுக்கு 12 என்ற சர்டிபிகேட் கொடுப்பார்களாம். அந்த மாதிரி படங்களைத்தான் சிறுவர்கள் தனியாக சென்று பார்க்க முடியுமாம். ஆனால், கத்தி படத்திற்கோ 12ஏ என்ற சர்டிபிகேட்டை பிரிட்டன் சென்சார்போர்டு வழங்கியிருக்கிறது. அதனால் 12 வயதுக்கு உட்பட்ட சிறுவர்கள் படத்தை பார்க்க வேண்டுமென்றால் 12 வயதுக்கு மேற்பட்ட ஒருவரின் துணையுடன்தான் பார்க்க முடியுமாம்.

கத்தி, பூஜையுடன் வெள்ளைக்கார துரை டிரைலர்!

சிகரம் தொடு படத்திற்கு பிறகு விக்ரம் பிரபு நடித்து வரும் படம் வெள்ளக்கார துரை. எழில் இயக்கி வரும் இப்படத்தில், விக்ரம் பிரபு ஜோடியாக ஸ்ரீதிவ்யா நடித்து வருகிறார். ரியல் எஸ்டேட் கதையை மையமாக வைத்து இப்படம் உருவாகி வருகிறது.

தஞ்சை மற்றும் அதன் சுற்றுபுறங்களில் இப்படம் படமாக்கப்பட்டுள்ளது. எழிலின் வழக்கமான காமெடி, இந்தப்படத்திலும் தொடர்கிறது. ஏற்கனவே விக்ரம் பிரபு முன்பு ஒரு பேட்டியில் வெள்ளக்கார துரை படம் காமெடி படம் என்றும், இது ஒரு புதுவித அனுபவத்தை தந்ததாகவும் கூறியிருந்தார்.

இந்த தீபாவளியின் போட்டியாளர்கள் முருகதாஸ்-ஹரி!

இந்த தீபாவளியில் ஷங்கரின் ஐ படமும் திரைக்கு வருவதாக இருந்தால் ஒரு மும்முனைப்போட்டி ஏற்பட்டிருக்கும். ஷங்கர், ஏ.ஆர்.முருகதாஸ், ஹரி ஆகியோர் களத்தில் நின்றிருப்பார்கள. அதேபோல், விஜய், விக்ரம், விஷால் ஆகியோரும் வரிந்து கட்டியிருப்பார்கள்.

ஆக ஒரு பெரிய போட்டி யுத்தமே நடந்திருக்கும். ஆனால், இப்போது ஐ படம் போட்டியில் இருந்து விலகிக்கொண்டதால், விஜய் படத்துக்கும், விஷால் படத்துக்குமே நேரடிப்போட்டி ஏற்பட்டுள்ளது. ஆனால், விஷால் விஜய்க்கு சமமான போட்டியாளர் இல்லை என்பதால், இதை டைரக்டர்கள் ஏ.ஆர்.முருகதாசுக்கும், ஹரிக்குமிடையே நடக்கும் போட்டியாகத்தான் எடுத்துக்கொள்ள முடிகிறது.

விஜய் ரசிகர்களின் பொறுமையை சோதிக்கும் கத்தி ட்ரெய்லர்!

தீபாவளிக்கு பலத்த போட்டி இருக்கும் என்று எதிர்பார்த்து வந்த நிலையில், தற்போது விஜய்யின் கத்தி, விஷாலின் பூஜை மட்டுமே உறுதிபடுத்தப்பட்டுள்ளன. இதற்கிடையே ஜெயம்ரவியின் பூலோகமும் வரக்கூடும் என்கிறார்கள். மேலும், கத்தியின் டீஸர் வெளியாகி அதை 2 மில்லியனுக்கும மேற்பட்ட ரசிகர்கள் பார்த்ததாக கூறுகிறார்கள்.

இந்த நிலையில் கத்தி ட்ரெய்லர் எப்போது வரும் என்று தவம் கிடக்கிறார்கள் விஜய்யின் ரசிககோடிகள், ஆடியோ ரிலீஸில் இருந்தே டிரெய்லரை வெளியிட்டு விடுவார்கள் என்று எதிர்பார்த்த ரசிகர்கள், படமே தீபாவளிக்கு வெளியாகப்போகிறது என்கிறார்கள். பிறகு ஏன் இன்னமும ட்ரெய்லரை வெளியிடவில்லை என்று விஜய்யின் சமூக வலைதளத்திற்குள் புகுந்து கேட்டுக்கொண்டிருக்கிறார்கள்.

கத்தி தெலுங்கிலும் டப் ஆகிறது...

ஏ.ஆர்.முருகதாஸ் இயக்கத்தில் துப்பாக்கி படத்திற்குப் பிறகு விஜய் மீண்டும் நடிக்கும் படம் கத்தி. விஜய் இதற்கு முன் நடித்து வெளிவந்த ஜில்லா, தலைவா ஆகிய படங்களுக்குப் பெரிய வெற்றி கிடைக்காத நிலையில், துப்பாக்கி படத்தைப் போன்று மீண்டும் ஒரு மாபெரும் வெற்றியைத் தரவேண்டும் என்று விஜய் நினைத்து வருகிறாராம்.

 தற்போது ரசிகர்கள் வழக்கமான மசாலாப் படங்களை ரசிப்பதில்லை, வித்தியாசமான படங்களையே ரசிக்கிறார்கள் என்ற நோக்கத்தில்தான் இந்தப் படத்தை எடுத்து முடித்திருக்கிறார்களாம். சில நாட்களுக்கு முன் முடிவடைந்த பாடல் காட்சியுடன் இப்படத்தின் மொத்தப் படப்பிடிப்பும் முடிவடைந்துவிட்டதாம். விஜய் இந்தப் படத்தில் இரண்டு வேடங்களில் நடிக்கிறார்.

கத்தி பட விவகார வழக்கில் ஏ.ஆர்.முருகதாசுக்கு ஆதரவாக கோர்ட் தீர்ப்பு

தமிழ் அமைப்புக்களின் எதிர்ப்பு, அரசியல் கட்சிகளின் எதிர்ப்பு என பல்வேறு சர்ச்சைகளில் சிக்கி தவித்து வந்த கத்தி படத்தின் கதைக்கும் சிக்கல் ஏற்பட்டது. லைகா நிறுவன அதிபர் சுபாஷ்கரன் அல்லிராஜா அளித்த விளக்கத்தை ஏற்க தமிழ் அமைப்புக்கள் மறுத்து வருகின்றன.

இந்நிலையில் தன்னிடம் உதவி இயக்குனராக இருந்த ஏ.ஆர்.முருகதாஸ், தன்னிடம் அனுமதி பெறாமல் தனது கதையை கத்தி படத்திற்கு பயன்படுத்தி இருப்பதாகவும், அதனால் கத்தி படத்தை வெளியிட தடை விதிக்க வேண்டும் என கோபி நாயனார் என்பவர் சென்னை நகர சிவில் கோர்ட்டில் வழக்கு தொடர்ந்திருந்தார்.

நானும் பச்சை தமிழன்தான், எனக்கும் தமிழ் உணர்வு உள்ளது! -ஏ.ஆர்.முருகதாஸ் பேச்சு

ஏ.ஆர்.முருகதாஸ் இயக்கத்தில் விஜய் நடித்துள்ள கத்தி படத்தின் ஆடியோ விழா நேற்று இரவு 7 மணி அளவில் சென்னையில் நடைபெற்றது. விழாவில் படக்குழுவினருடன் சிறப்பு விருந்தினர்களாக, ஆர்.பி.செளத்ரி, எஸ்.ஏ.சந்திரசேகரன், ஏ.எல்.விஜய், தாணு, ஆர்யா, விக்ரமன், தனஞ்செயன் உள்பட பலர் கலந்து கொண்டனர். மற்றபடி விஜய்யின் மற்ற படங்களுக்கு அழைப்பது போன்று பெருவாரியான அவரது நலம்விரும்பிகள் இந்த விழாவுக்கு அழைக்கப்படவில்லை.

மேலும், கடந்த 15-ந்தேதி சென்னையில் நடந்த ஐ படத்தின் ஆடியோ விழாவை மாதிரி இரவு 8 மணிக்கு தொடங்கப்பட்டு 11 மணிக்குத்தான் விழா நிறைவு பெறுமோ என்று நினைக்கப்பட்டதற்கு மாறாக, 7.10க்கு தொடங்கி 9 மணிக்கெல்லாம் ஆச்சர்யப்படும் வகையில் விழாவை நிறைவு செய்து விட்டார்கள்.

தயாரிப்பாளராகப் போகிறாரா சமந்தா....?

தமிழில் தற்போதுதான் முன்னணி இடத்தைப் பிடிக்க முயற்சி செய்து வருகிறார் சமந்தா. அவர் நடித்து சில வாரங்களுக்கு முன் வெளிவந்த 'அஞ்சான்' படம் அவருக்குப் பெரிதாகக் கைகொடுக்கவில்லை என்றாலும், அவரைப் பற்றி பேச வைத்துவிட்டது.

இருந்தாலும் விஜய் ஜோடியாக நடித்து வரும் 'கத்தி' படத்தைத்தான் தற்போது பெரிதும் எதிர்பார்த்து வருகிறார். விக்ரம் ஜோடியாகவும் 'பத்து எண்ணுறதுக்குள்ளே' படத்தில் நடித்து வருகிறார். மேலும் சில படங்களில் நடிக்க பேச்சு வார்த்தையும் நடந்து வருகிறது.

விஜய், முருகதாஸை நாங்கள் எதிர்க்கவில்லை! தமிழ் அமைப்புகள் அறிவிப்பு!!

ஏ.ஆர்.முருகதாஸ் இயக்கத்தில் விஜய் நடித்துள்ள படம் கத்தி. இந்த படத்தை ராஜபக்சேவுக்கு நெருக்கமான சுபாஸ்கரன் அல்லிராஜாவின் லைகா நிறுவனம் தயாரித்துள்ளது. இந்த தகவல் உறுதியானதை அடுத்து 65 தமிழ் அமைப்புகள் கத்தி படத்துக்கு எதிராக போர்க்கொடி பிடித்து வருகின்றன. ஆனால், வருகிற 18-ந்தேதி கத்தி படத்தின் ஆடியோவை வெளியிட்டு, படத்தை தீபாவளிக்கு வெளியிடும் வேலைகளில் அப்படக்குழு தீவிரமடைந்திருக்கிறது.

இந்த நிலையில், தமிழ் அமைப்புகள் ஒன்றுகூடிய ஒரு கூட்டம் சமீபத்தில் நடந்தது. அப்போது, கத்தி, புலிப்பார்வை படங்கள் பற்றிய விவாதம் நடைபெற்றுள்ளது. அதையடுத்து அவர்கள் விடுத்துள்ள செய்தியில்,
புலிப்பார்வை படத்தில் ஆட்சேபத்திற்குரிய காட்சிகளைப் பார்த்து விட்டு ஏற்கனவே எதிர்ப்பு தெரிவித்துள்ளோம். அதனால் நாங்கள் குறிப்பிட்டுள்ள காட்சிகளை நீக்கி விடுவதாக அவர்கள் உறுதி அளித்துள்ளனர். அதோடு படத்தை மீண்டும் திரையிட்டு காட்டுவதாகவும் கூறியுள்ளனர். அதனால் அப்படத்தை பார்த்த பிறகே எதிர்ப்பதா? வேண்டாமா? என்பது பற்றி முடிவெடுப்போம்.