ஸ்ருதிஹாசனின் கால்சீட் பிரச்சினையால் கைநழுவிப்போன படங்கள்!

ஏழாம் அறிவு, 3 படங்களைத் தொடர்ந்து தற்போது பூஜை படத்தில் நடித்துக்கொண்டிருக்கிறார் ஸ்ருதிஹாசன். இதையடுத்து சிம்புதேவன் இயக்கத்தில் விஜய் நடிக்கும் படத்தில் நடிக்கிறார். ஆனால் இதற்கிடையே மணிரத்னம் டைரக்ஷனில் உருவாகும் படத்தில் ஸ்ருதிஹாசன் நடிப்பதாக செய்திகள் வெளியாகின.

ஆனால் இப்போது துல்கர்சல்மான்-நித்யாமேனன் நடிப்பதாக சொல்கிறார்கள். துல்கர்சல்மான் ஹீரோ என்பதால்தான் அப்படத்தை ஸ்ருதிஹாசன் தவிர்த்து விட்டதாகவும் இன்னொரு செய்தி உலவிக்கொண்டிருக்கிறது.ஆனால் இதுபற்றி ஸ்ருதியைக் கேட்டால், மணி சார் படமென்றால் எனக்கு ரொம்ப பிடிக்கும்.

தொழிலதிபருக்கு இரண்டாவது மனைவியாக மாட்டேன்! - ப்ரியாமணி தகவல்

தமிழ் சினிமாவில் நம்பர்-ஒன் நடிகையாக வேண்டியவர் ப்ரியாமணி. ஆனால் பருத்தி வீரன் படத்திற்காக தேசிய விருது பெற்ற அவர், பின்னர் மெகா படங்களாக நடிக்காமல் மெகா டைரக்டர் படங்களாக தேடினார். விளைவு, மணிரத்னத்தின் ராவணன் படவாய்ப்பு கிடைத்தது. ஆனால் அந்த படத்தில் ஐஸ்வர்யாராய் நாயகியாக நடித்திருந்தார். விளைவு, ப்ரியாமணிக்கு விக்ரமின் தங்கை வேடம்தான் கிடைத்தது. மெகா டைரக்டர் படம் என்று நம்பி நடித்து பெரிய குழிக்குள் விழுந்தார் ப்ரியாமணி.

அதையடுத்து அவரது மார்க்கெட்டும் படுத்துக்கொண்டது. அதனால், பிழைப்பு தேடி தெலுங்கு, கனனடம் என்று சென்ற ப்ரியாமணிக்கு இப்போது வரை அந்த மொழிகள்தான் ஆதரித்து வருகிறது.ஆனபோதும், ப்ரியாமணியின் மார்க்கெட் அடங்குவதற்கான சூழ்நிலை தெரிகிறது. அதனால் இந்த மரியாதையோடு திருமணம் செய்து கொண்டு செட்டிலாக முடிவெடுத்திருக்கிறாராம். இந்த தகவல் அறிந்த ஒரு பிரபல தொழிலதிபர், தனக்கு இரண்டாவது மனைவியாக வருமாறு ப்ரியாமணிக்கு அழைப்பு விடுத்திருக்கிறாராம்.

ஆனால், அதைக்கேட்டு டென்சனாகி விட்டாராம் ப்ரியாமணி. 40 வயது நடிகைகளே முதல் மனைவியாக சென்று கொண்டிருக்கும்போது, இரண்டாவது மனைவியாக போகும் அளவுக்கு எனக்கொன்றும் வயதாகி விடவிலலை என்று அந்த அழைப்பை நிராகரித்து விட்டாராம். அதோடு, ஏற்கனவே தான் ரகசியமாக காதலித்து வரும் ஒளிப்பதிவாளர் பற்றியும் இந்த இடத்தில் கூறியிருககும் ப்ரியாமணி, தொழிலதிபருக்கு இரண்டாவது மனைவி ஆவதை விட, ஒளிப்பதிவாளருக்கு முதல் மனைவி ஆவது எவ்வளவோ மேல் என்று கூறியுள்ளார்.

மணிரத்னம் படத்திலிருந்து நீக்கப்பட்ட நித்யாமேனன்!

கடல் படத்திற்கு பிறகு மணிரத்னம் இயக்கும் புதிய படத்தில் மகேஷ்பாபு, நாகார்ஜூனா, ஐஸ்வர்யாராய், ஸ்ருதிஹாசன் என ஒரு பெரும் நட்சத்திர பட்டாளமே நடிப்பதாக முன்பு வேலைகள் நடந்தது. ஆனால் அதற்கான ஏற்பாடுகள் தடபுடலாக நடந்து கொண்டிருந்தபோது சம்பளப் பிரச்சினை காரணமாக மகேஷ்பாபு அப்படத்திலிருந்து விலகினார். அதனால் அந்த முயற்சியையே கிடப்பில் போட்டார் மணிரத்னம். அதையடுத்து, இப்போது மம்மூட்டியின் மகன் துல்கர்சல்மானை நாயகனாக வைத்து தனது அடுத்த படத்தை இயக்குவதற்கான முயற்சிகளில் இறங்கியிருக்கிறார் மணிரத்னம்.

இந்த படத்தின் நாயகியாக முதலில் ஜீவாவுடன் முகமூடி படத்தில் நடித்த பூஜா ஹெக்டேவிடம்தான் பேசப்பட்டது. ஆனால், இந்தியில் ஹிருத்திக் ரோசனுடன் மொகஞ்சதாரோ என்ற படத்தில் நடித்து வருவதால், தனது இயலாமையை அவர் தெரிவித்து விட்டார். அதனால், பின்னர் நித்யாமேனனிடம் பேசினார் மணிரத்னம்.

புதிய படத்துக்கு விஜய்-சூர்யா படத்தின் தலைப்பை வைத்த சுசீந்திரன்!

1997ல் வசந்த் இயக்கிய படம் நேருக்கு நேர். டைரக்டர் மணிரத்னம் தயாரித்த இந்த படத்தில் விஜய் நாயகனாக நடித்தார். இன்னொரு நாயகனாக இந்த படத்தில்தான் சூர்யா அறிமுகம் ஆனார். இதில் விஜய்க்கு ஜோடியாக கெளசல்யாவும், சூர்யாவுக்கு ஜோடியாக சிம்ரனும் நடித்திருந்தனர். அந்த படத்தின் நேருக்கு நேர் என்ற தலைப்பை, ஜீவா படத்திற்கு பிறகு தான் இயக்கும் படத்திற்கு சுசீந்திரன் வைத்திருப்பதாக தகவல் வெளியாகியுள்ளது.

மேலும், பாலாஜி சக்திவேலின் வழக்கு எண், மிஷ்கினின் ஓநாயும் ஆட்டுக்குட்டியும் படங்களில் நடித்த ஸ்ரீ, இந்த படத்தில் நாயகனாக நடிக்கிறாராம். அவருக்கு ஜோடியாக சம்ஸ்க்ருதி செனாய் என்ற புதுமுகம் நடிக்கிறாராம். அக்டோபர் 6-ந்தேதி முதல் படப்பிடிப்பு தொடங்கி 30 நாட்களில் டோட்டல் படப்பிடிப்பும் முடிகிறதாம். இந்த ஸ்ரீ, ஓநாயும் ஆட்டுக்குட்டியும் படத்திற்கு பிறகு ஒரு பெண் இயக்குனர் இயக்கிய சோம்ப்டி என்றொரு படத்திலும் நடித்துள்ளார். ஆனால் அந்த படம் வியாபாரம் ஆகாமல் கிடப்பில் கிடக்கிறது.

cinema,vijai, surya, suseendiran, vasanth, sri, Nerukku Ner