வேலையில்லா பட்டதாரி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
வேலையில்லா பட்டதாரி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சூதாடியில் இறங்குகிறார் தனுஷ்!

வேலையில்லா பட்டதாரி படத்தின் வெற்றிக்கு பிறகு புது உற்சாகத்துடன் நடித்துக்கொண்டிருக்கிறார் தனுஷ். அதையடுத்து, கே.வி.ஆனந்த் இயக்கத்தில் நடித்து வந்த அனேகன் படத்தை முடித்து விட்டவர், அதற்கு முன்பிருந்தே நடித்து வந்த ஷமிதாப் படத்தின் படப்பிடிப்பையும் இந்த மாதம் 6-ந் தேதியோடு முடித்துக் கொடுக்கிறார்.அதனால் அதற்கடுத்து வேலையில்லா பட்டதாரி படத்தின் இந்தி ரீமேக்கில் நடிக்க கமிட்டாகியிருக்கிறார்.

என்ற போதும், தன்னை வைத்து பொல்லாதவன், ஆடுகளம் படங்களை இயக்கிய வெற்றிமாறன் அடுத்து தன்னை வைத்து இயக்கும் சூதாடியில் முழுவீச்சில் இறங்கயிருக்கிறார். இந்த படத்தின் படப்பிடிப்பு ஏறகனவே நடைபெற்றதாக கூறப்பட்டாலும், இனிமேல்தான் படப்பிடிப்பு தொடங்குகிறது என்கிறார்கள்.

ஹிந்தியில் வேலையில்லா பட்டதாரி...! தனுஷே ஹீரோவாக நடிக்கிறார்...!

இந்த வருடம் வெளியான படங்களில் உண்மையிலேயே வணிக ரீதியில் வெற்றியடைந்த படம் - வேலையில்லா பட்டதாரி. இந்த வருடத்தின் பிளாக்பஸ்டர் ஹிட் படம் என அனைத்து தரப்பினராலும் ஏகமனதாக ஏற்றுக்கொள்ளப்பட்ட வேலையில்லா பட்டதாரி 75வது நாளைக்கடந்து 100 அவது நாளை நோக்கி ஓடிக்கொண்டிருக்கிறது.

ஒளிப்பதிவாளர் வேல்ராஜை, இயக்குனராக்கி தனஷ் தயாரித்த இந்தப் படத்தை எஸ்கேப் ஆர்ட்டிஸ்ட் மதன் வாங்கி வெளியிட்டார். தனுஷின் அடுத்தடுத்த படங்களையும் மதனுக்கே தரவதாக சொல்லி இருக்கிறாராம் தனுஷ். எனவே வேலையில்லா பட்டதாரி படத்தை எப்பாடுபட்டாவது 100 நாள் வரை ஓட்ட வேண்டும் என்பதில் உறுதியாக இருக்கிறார் மதன்.

வேலையில்லா பட்டதாரி ரீமேக் உரிமைக்கு பலத்த போட்டி...!

தனுஷ், அமலா பால் மற்றும் பலர் நடிக்க முன்னணி ஒளிப்பதிவாளரான வேல்ராஜ் இயக்கத்தில் வெளிவந்த 'வேலையில்லா பட்டதாரி' திரைப்படம் 50 நாட்களைக் கடந்து வெற்றிகரமாக ஓடி வருகிறது.

சுமார் 25 கோடி ரூபாய்க்கும் மேல் இந்தப் படம் வசூலை அள்ளியதாகச் சொல்கிறார்கள். தமிழில் தொடர்ச்சியாக ஏழு தோல்விப் படங்களைக் கொடுத்த தனுஷிற்கு 'வேலையில்லா பட்டதாரி' படம் வெற்றி எண்ணிக்கையை மீண்டும் ஆரம்பித்து வைத்துள்ளது. இதற்கு முன் இவர் நடித்து வெளிவந்த 'ராஞ்சனா' இந்திப் படமும் வெற்றி பெற்றதால் இந்திய அளவிலும் புகழ் பெற ஆரம்பித்தார். தற்போது அமிதாப்புடன் 'ஷமிதாப்' என்ற படத்திலும் நடித்து வருகிறார்.

ஏழு தோல்விக்குப் பிறகு தனுஷூக்கு கிடைத்த வெற்றி!

2011 ஆம் ஆண்டு வெளியான ஆடுகளம் படத்துக்குப் பிறகு தனுஷ் நடிப்பில் வெளியான படங்கள் அனைத்தும் பாக்ஸ்ஆபிசில் வெற்றிப்படங்கள் இல்லை. சீடன், மாப்பிள்ளை, வேங்கை, மயக்கம் என்ன, 3, மரியான், நய்யாண்டி என கடந்த சில வருடங்களாக தொடர்ந்து தோல்விப்படங்களைக் கொடுத்து வந்தார் தனுஷ்.

ஜூலை 18ஆம் தேதி வெளியான வேலையில்லா பட்டதாரி படத்தின் வெற்றி தனுஷுக்கு மிகப்பெரிய உற்சாகத்தைக் கொடுத்திருக்கிறது. வேலையில்லா பட்டதாரி படத்திற்கு உலகமெங்கும் மிகப்பெரிய வரவேற்பு கிடைத்ததன் காரணமாக, படம் வெளியான முதல் மூன்று நாட்களிலேயே சுமார் 15 கோடிகளை வசூல் செய்து சாதனை புரிந்தது.

வசூலில் சாதனை படைக்கும் வேலையில்லா பட்டதாரி!

கடந்த வாரம் (ஜூலை 18) வெளியான 'வேலையில்லா பட்டதாரி' படத்துக்கு அனைத்து இடங்களிலும் மிகப்பெரிய வரவேற்பு கிடைத்திருக்கிறது. தமிழ்நாட்டில் மட்டும் சுமார் 400 திரையரங்குகளுக்கு மேல் வெளியிடப்பட்ட வேலையில்லா பட்டதாரி முதல் மூன்று நாட்களில் மட்டும் 15 கோடிக்கு மேல் வசூல் செய்திருக்கிறது. நாளுக்குநாள் அதிகரித்து வரும் வேலையில்லா பட்டதாரி படத்தின் வசூல் நிலவரம் திரையுலகினரை வியப்பில் ஆழ்த்தி உள்ளது.

இதுவரை தனுஷ் நடிப்பில் வெளிவந்த படங்களிலேயே வேலையில்லா பட்டதாரி படம்தான் மிகப்பெரிய வசூல் செய்திருப்பதாக விநியோகஸ்தர்கள் மற்றும் திரையரங்கினர் வட்டாரத்தில் சொல்லப்படுகிறது.

தனது ரசிகர்களுக்கு கண்ணீரை சமர்பித்த தனுஷ்!

ஆடுகளம் படத்திற்கு பிறகு தனுஷ் நடித்த படங்கள் அவருக்கு அதிர்ச்சி தோல்விகளாக அமைந்தன. அதனால் ஒரு மாற்றத்துக்காக இந்தி படத்தில் நடிக்க சென்றார். ஆனால், தமிழில் கிடைக்காத வெற்றியை ராஞ்சனா படம் அவருக்கு பெற்றுக்கொடுத்தது. அப்படம் 100 கோடியை வசூலித்ததால் பாலிவுட்டில் கவனிக்கப்படும் நடிகரானார் தனுஷ்.

அதனால் இனிமேல் தனுஷின் மொத்த கவனமும் இந்திக்கு திரும்பி விடும் என்றுதான் எதிர்பார்க்கப்பட்டது. ஆனால், அவரோ, இன்னும் 10 வருடத்திற்கு பிறகுதான் இந்தியில் முழுசாக இறங்குவேன். அதுவரைக்கும் தமிழில் எனக்குரிய இடத்தை தொடர்ந்து தக்கவைத்துக்கொள்வேன் என்று ஒரே நேரத்தில் வேலையில்லா பட்டதாரி, அனேகன், வெற்றிமாறன் இயக்கும் படம் என பல படங்களில் கமிட்டானார்.

வேலையில்லா பட்டதாரிக்கு யு சான்றிதழ்

தனுஷ், அமலா பால நடிப்பில் உருவாகியுள்ள படம் ‘வேலையில்லா பட்டதாரி. ஒளிப்பதிவாளர் வேல்ராஜ் இயக்கியுள்ள இப்படத்திற்கு அனிருத் இசையமைத்துள்ளார்.
இப்படம் முடிவடைந்து ரிலீஸிக்கு தயராக இருந்தது. இருப்பினும் சென்சார் செய்யபடமால் இருந்ததால், ரிலீஸ் தேதி அறிவிக்கப்படமால இருந்தது.


இந்த நிலையில், சமீபத்தில் இப்படத்தை சென்சாருக்கு எடுத்துக்கொண்ட தணிக்கை குழு அதிகாரிகள் படத்திற்கு யு சான்றிதழ் வழங்கியுள்ளனர்.