கத்தி படம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கத்தி படம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஷங்கருடன் மோத முடிவு செய்துவிட்ட ஏ.ஆர்.முருகதாஸ்!

ராஜபக்சேவின் நண்பர் தயாரிக்கும் படம் என்ற குற்றச்சாட்டின் அடிப்படையில் கடும் சர்ச்சையில் சிக்கி இருக்கிறது - கத்தி படம். அதனால் பலத்த எதிர்ப்புகள் கிளம்பி ஒருபுறம் கத்தி படத்தை பதம் பார்த்துக்கொண்டிருக்க...அதைப் பற்றி கவலையேப்படாமல் எப்படியும் கத்தி படத்தை தீபாவளிக்கு திரைக்குக் கொண்டு வந்தே தீருவது என்பதை மட்டுமே குறிக்கோளாகக் கொண்டு பிஸியாக இயங்கி வருகிறார் ஏ.ஆர்.முருகதாஸ்.

கத்தி படத்தின் படப்பிடிப்பு வேலைகள் முடிவடைந்துவிட்டன. பேட்ச் ஒர்க் என்கிற சில ஷாட்கள் மட்டுமே பாக்கி உள்ளன. அதோடு, அனிருத் தாமதப்படுத்தியதால் எடுக்காமல் தடைபோட்டுப்போன விஜய் கடைசியாகப் பாடிய பாடல் காட்சி மட்டுமே இன்னும் எடுக்கப்பட உள்ளன. இன்னொரு பக்கம், கத்தி படத்திற்கான எடிட்டிங், டப்பிங் வேலைகளும் பரபரப்பாக நடந்து கொண்டிருக்கின்றன.

கத்தி படத்தை எதிர்க்க மாட்டேன்: சீமான் சொல்கிறார்

விஜய், சமந்தா நடித்து வரும் கத்தி படத்தை ஏ.ஆர்.முருகதாஸ் இயக்குகிறார். இதனை லைக்கா என்ற நிறுவனம் தயாரிக்கிறது. இது இலங்கை அதிபர் ராஜபக்ஷேவின் நண்பரின் நிறுவனம் என்று செய்திகள் வெளியானது.

ஆனால் இது தவறு லண்டனில் செட்டிலாகிவிட்ட இலங்கை தமிழரின் நிறுவனம் இது. இதற்கும் ராஜபக்ஷேவுக்கும் சம்பந்தம் இல்லை என்று தயாரிப்பு நிறுவனம் சார்பில் மறுப்பு தெரிவிக்கப்பட்டது. இந்த நிலையில் இயக்குனர் ஏ.ஆர்.முருகதாசும், தயாரிப்பாளர்களில் ஒருவரான ஐங்கரன் கருணாமூர்த்தியும் சீமான், நெடுமாறன், ராமதாஸ், தொல் திருமாவளவன், வைகோ ஆகியோரை சந்தித்து விளக்கம் அளித்துள்ளனர். லைக்கா நிறுவனத்தின் அடுத்த படத்தை சீமான் இயக்க இருக்கிறார். அதற்காகத்தான் அவர் கத்தி பட விஷயத்தில் மவுனம் சாதிக்கிறார் என்று கூறப்பட்டது.

கத்தி படத்தில் இருந்து சூப்பர் ஸ்டார் ஆகிறார் விஜய்?

சூப்பர் ஸ்டார் பட்டம் யாருக்கு? என்ற சர்ச்சை கோடம்பாக்கத்தில் கொழுந்து விட்டு எரிந்து கொண்டிருக்கும் நிலையில், வருகிற ஆகஸ்ட் 15ம் தேதி மதுரையில் பிரமாண்ட விழா எடுத்து விஜய்க்கு அந்த பட்டத்தை சூட்டுவது என்று முடிவெடுக்கப்பட்டிருப்பதாக செய்திகள் வந்து கொண்டிருக்கின்றன.

அதோடு, அப்படியொரு விழா நடந்தால், அதில் ரசிகர்கள் மட்டுமின்றி, அதை ஆதரித்து பேசுவதற்கு திரையுலக பிரமுகர்களும் வேண்டுமே என்பதால், விஜய்தரப்பில் இருந்து தென்னிந்தியா மட்டுமின்றி, பாலிவுட் ஹீரோக்கள் வரை அழைப்பு விடுக்கப்பட்டு வருகிறதாம்.

“கத்தி” படம் தனக்கு பெரிய இடத்தை பிடித்து தரும்: சமந்தா தெரிவிப்பு.

பாணா காத்தாடி சமந்தா, தெலுங்கில் பல ஆண்டுகளாக முன்னணியில் இருப்பவர். தமிழிலும் அதேபோன்று முன்னணி இடத்தை பிடிக்க ஏற்கனவே முயற்சி எடுத்தார். அப்போது கடல் படத்தில் மணிரத்னமும், ஐ படத்தில் ஷங்கரும் அவருக்கு சான்ஸ் கொடுக்க முன்வந்தனர். ஆனால், கடல் படத்தின் படப்பிடிப்பு நடந்தபோது திடீரென்று அவரது உடம்பில் அலர்ஜி ஏற்பட்டது.

அதனால் உடனடியாக சிகிச்சைக்கு சென்ற சமந்தாவிடம், அதிக வெளிச்சம் பாய்ச்சும் லைட்களுக்கு முன்பு நின்றதால் ஏற்பட்ட தோல் அலர்ஜிதான் இது என்று சொன்ன மருத்துவர்கள். அவரை உடனடியாக சிகிச்சை செய்யுமாறு அறிவுறுத்தினர்.