மெட்ராஸ் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
மெட்ராஸ் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

கைக்குழந்தையுடன் காட்சி கொடுத்த ரித்விகா!

அட்டகத்தி ரஞ்சித் இயக்கிய படம் மெட்ராஸ். இந்த படத்தில் கார்த்திக்-கேத்ரின் தெரசா இருவரும் ஜோடி என்றபோதும், அதே படத்தில் இன்னொரு ஜோடியாக நடித்த கலையரசன்-ரித்விகா ஜோடிதான் பலரின் கவனத்தை ஈர்த்தவர்கள். கதைப்படி ஸ்லம் ஏரியாவில் வாழும் இவர்கள் இருவரும் அந்த கதாபாத்திரங்களாகவே மாறி நடித்திருந்தனர்.

அதோடு, கணவன்-மனைவியாக வாழ்ந்த அவர்களின் கெமிஸ்ட்ரி நன்றாக ஒர்க்அவுட்டாகியிருந்தது. அதோடு கலையரசன் நடித்திருந்த அன்பு என்ற கதாபாத்திரம் கதைக்கு முக்கியத்துவம் வாய்ந்தது என்பதால், அவரது நடிப்பை பற்றி பத்திரிகைகளும் பெரிய அளவில் எழுதியிருந்தன.

கார்த்தியை ஓவராக புகழ்ந்து தள்ளிய சினிமாக்காரர்கள்!

தொடர்ச்சியாக தோல்விகளை சந்தித்து வந்த கார்த்தி, மெட்ராஸ் படத்தின் ஹிட் காரணமாக உற்சாக மனநிலையில் காணப்படுகிறார். வழக்கம் போல் மெட்ராஸ் படம் இரண்டு நாள் ஹிட் என்றதும் சக்சஸ் மீட் நடத்தினார்கள். அப்போது, இந்த படத்தில் கார்த்தியை தவிர வேறு எந்த ஹீரோவும் நடிக்க மாட்டார்கள். காரணம், அந்த படப்பிடிப்பு நடைபெற்ற ஹவுசிங் போர்டு ஏரியாவில் மற்ற நடிகர்கள் என்றால் காலை கீழே மிதிக்க மாட்டார்கள்.

ஆனால் கார்த்தியோ கேரவன்கூட கேட்காமல் அங்குள்ள ஒரு வீட்டில் தங்கியிருந்தபடி நடித்தார். மேலும், பெரிய நடிகராச்சே, எப்படி இயல்பாக பழகப்போகிறார் என்று நாங்களெல்லாம் நினைத்துக்கொண்டிருக்க அவரோ, வந்த வேகத்திலேயே அனைவரிடமும் தோள் போட்டு அன்பாக பழகினார். அதனால் எங்களுக்கு அவர் மீதிருந்த பயம் போனது. அதனால்தான் அனைவரும் இயல்பாக நடித்திருந்தோம் என்று அப்படத்தில் இன்னொரு ஹீரோ-ஹீரோயினாக நடித்திருந்த கலையரசன், ரித்விகா இருவரும் பேசினர்.

“மெட்ராஸ் - பூலோகம்” ஒரு ஏரியா கதையாமே....!

கார்த்தி, கேத்தரின் தெரேசா மற்றும் பலர் நடிக்க 'அட்டகத்தி' பா.ரஞ்சித் இயக்கியுள்ள 'மெட்ராஸ்' படமும், ஜெயம் ரவி, த்ரிஷா மற்றும் பலர் நடிக்க அறிமுக இயக்குனர் கல்யாணகிருஷ்ணன் இயக்கியுள்ள 'பூலோகம்' படமும் ஒரே கதையில்தான் உருவாக்கப்பட்டுள்ளதாம். இரண்டு படங்களுமே வட சென்னையை மையமாகக் கொண்ட கதைக்களத்தில் தயாராகியுள்ளன. ஒரு சாதாரண இளைஞன் எப்படி சிறந்த பாக்சிங் வீரனாகிறான் என்பதுதான் படத்தின் கதையாம்.

இரண்டு படங்களுமே வெளியீட்டுக்குத் தயாராகி பல மாதங்களாகியும் சம்பந்தப்பட்ட தயாரிப்பாளர்களால் ரிலீஸ் தேதி தள்ளி வைக்கப்பட்டுக் கொண்டே வருகிறது.