மதராசப்பட்டினம், தாண்டவம், ஐ படங்களில் நடித்திருப்பவர் ஹாலிவுட் நடிகை எமி ஜாக்சன். இவர் ஐ படப்பிடிப்பில் இருந்தபோது தனது காதலரை சந்திக்க வேண்டும் என்பதற்காக அடிக்கடி லண்டனுக்கு ஓட்டம் பிடித்ததாக அப்படத்தின் படப்பிடிப்பு நடந்தபோது செய்திகள் வெளியானது. அதோடு, அடிக்கடி இரவு பார்ட்டிகளுக்கு சென்று வந்த எமி, மறுநாள் படப்பிடிப்பு தளங்களுக்கு காலதாமதமாக வந்ததாக இன்னொரு பரபரப்பு செய்தியும் வெளியானது.
இதனால் டைரக்டர் ஷங்கர் கூட எமியிடம் கோபித்துக் கொண்டதோடு, நிறைய கண்டிசன்களை போட்டதாகவும் கூறப்பட்டது. ஆனால் இப்போது அதுபற்றி எமி ஜாக்சனிடம் கேட்டால், என்னிடம் யாரும் எந்த கண்டிசனும் போடவில்லை என்கிறார். என்னைப் பொறுத்தவரை படப்பிடிப்பு 9 மணிக்கு என்றால் 5 நிமிடம் 10 நிமிடம் வேண்டுமானால் முன்ன பின்ன இருக்கலாம். மற்றபடி சரியான நேரத்திற்கு ஆஜராகி விடுவேன்.
