பிரகாஷ்ராஜ் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
பிரகாஷ்ராஜ் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

கேரக்டர் ஆர்ட்டிஸ்டாக மாறிய வில்லன் பிரகாஷ்ராஜ்!

சிங்கம் படத்திற்கு பிறகு தான் தயாரித்த கெளரவம் என்ற படத்தில் ஒரு முதிர்ச்சியான வேடத்தில் நடித்த பிரகாஷ்ராஜ், உன் சமையல் அறையில் என்ற படத்தை தயாரித்து, இயக்கி நாயகனாகவும் நடித்திருந்தார். ஆனால் அந்த இரண்டு படங்களுமே ஓடவில்லை. அதனால் சொந்த படம் எடுத்து தொடர்ந்து கையை சுட்டுக்கொள்ள வேண்டாமென்று அந்த விஷப்பரீட்சையில் இறங்குவதை நிறுத்தி விட்டவர், தற்போது தமிழ், தெலுங்கு, கன்னடம், இந்தி என நான்கு மொழிகளிலும பரவலாக நடித்துக் கொண்டிருக்கிறார்.இதில் மற்ற மொழிகளில் வில்லனாக நடித்துக் கொண்டிருக்கும் பிரகாஷ்ராஜை தமிழில்தான் யாரும் வில்லன் வேடத்தில் நடிக்க அணுகவில்லை. மாறாக, கேரக்டர் ஆர்ட்டிஸ்டாக யூஸ் பண்ணத் தொடங்கியிருக்கிறார்கள். குறிப்பாக, மணிரத்னம் இயக்கத்தில் துல்கர்சல்மான்-நித்யாமேனன் நடித்து வரும் ஓகே கண்மனி படத்தில் பிரகாஷ்ராஜ்க்கு உருக்கமான வேடமாம்.

மாற்றத்தை எதிர்பார்க்கும் பிரகாஷ்ராஜ்!

சிறந்த குணச்சித்திர நடிகர், வில்லன் நடிகர் என்று பெயர் பெற்றவர் பிரகாஷ்ராஜ். சில வருடங்களுக்கு முன் நாயகனாகவும் நடிக்க ஆரம்பித்தார். ஆனாலும், அவருக்குப் பொருத்தமான படங்களை, கதைகளை மட்டுமே தேர்வு செய்து நடிக்க ஆரம்பித்தார். “மொழி, வெள்ளித் திரை, காஞ்சீவரம், அபியும் நானும், தோனி” ஆகிய படங்கள் ஒரு நாயகனாகவும் அவரை வேறு ஒரு பரிமாணத்தில் வெளிப்படுத்தியது. சில வருடங்களுக்கு முன் இயக்குனராகவும் மாறி கன்னடத்தில் 'நானு நன்னா கனசு' என்ற படத்தையும், தமிழில் 'தோனி, உன் சமையலறையில்' ஆகிய படங்களையும் இயக்கினார். தமிழ்த் திரையுலகில்
கடந்த பத்து வருடங்களுக்கும் மேலாக படங்களையும் தயாரித்து வருகிறார்.

அதே சமயம் தெலுங்குத் திரையுலகில் 'ஆகாடு' படத்தில் நடிக்காமல் சண்டை போட்டு விட்டு அவர் விலகியது, தெலுங்குத் திரையுலகிலும், ரசிகர்களிடத்திலும் அவரைப் பற்றிய சில தவறான செய்திகள் பரவ ஆரம்பித்தது. அந்தப் பிரச்சனையைப் பற்றி அவர் இதுவரை வெளிப்படையாக எதையும் பேசவில்லை.