கும்கி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கும்கி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சுனாமி நினைவு நாளில் கயல்!

மைனா, கும்கி படங்களுக்குப் பிறகு பிரபுசாலமன் இயக்கியுள்ள படம் கயல். இந்த படத்தில் பொறியாளன் படத்தில் நாயகியாக நடித்த ஆனந்தி லீடு ரோலில் நடித்திருக்கிறார். சில மாதங்களுக்கு முன்பே திரைக்கு வரத் தயாராகி விட்ட கயல் படத்தை, கும்கி படத்தை வெளியிட்ட அதே டிசம்பர் மாதத்தில் வெளியிட திட்டமிட்டிருக்கிறாராம் பிரபுசாலமன்.

ஆனால், கும்கி டிசம்பரில் வெளியாகி வெற்றி பெற்றதால் அதே மாதத்தில் செண்டிமென்ட் கருதி இந்த படத்தை அவர் வெளியிடவில்லையாம் பிரபுசாலமன். டிசம்பரில் படத்தை வெளியிட முக்கிய காரணம், இந்த படம் சுனாமியை மையப்படுத்தும் கதையில் உருவாகியிருக்கிறதாம்.

விக்ரம்பிரபு நடிப்பில் ஒரே ஆண்டில் 3 படங்கள்!

கும்கி, இவன் வேற மாதிரி படங்களில் நடித்த விக்ரம்பிரபு, அரிமா நம்பி, சிகரம் தொடு படங்களுக்கு பிறகு ஆக்சன் ஹீரோவாகி விட்டார். அதனால் இதுவரை விக்ரம்பிரபு எந்த மாதிரி நடிகர், எந்த மாதிரி கதைகளுக்கு பயன்படுத்துவது என்பதை ஜட்ஜ் பண்ண முடியாமல் இருந்த இயக்குனர்கள் இப்போது அவருக்கு ஆக்சன் கதைகளாக ரெடி பண்ணத் தொடங்கி விட்டனர்.

முக்கியமாக, சிக்ரம் தொடு படத்தில் விக்ரம்பிரபுவின் போலீஸ் கெட்டப்பை அஜீத் உள்ளிட்ட பிரபலங்களே பாராட்டியதால் அவரது கிரேடு இன்னும் உயர்ந்து நிற்கிறது. இந்த நிலையில், எழில் இயக்கத்தில் வெள்ளைக்கார துரை என்ற படத்தில் தற்போது நடித்து முடித்து விட்ட விக்ரம் பிரபு, அப்படத்தில் முதன்முறையாக காமெடி காட்சிகளிலும் நடித்திருக்கிறாராம்.