கீதா லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கீதா லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புன்னகை பூ கீதா பேட்டி.........

மலேசியாவில் இருந்து தமிழுக்கு முதல் பெண் தயாரிப்பாளர் என்ற அடையாளத்தோடு கோடம்பாக்கம் வந்து, 'அறிந்தும் அறியாமலும்', 'குண்டக்க மண்டக்க', 'பட்டியல்', 'நர்த்தகி', 'ஒரு நடிகையின் வாக்குமூலம்' போன்ற படங்களை தயாரித்தவர் 'புன்னகை பூ' கீதா. தயாரிப்பாளராக இருந்த வந்தவர் இப்போது மைந்தன் மற்றும் நீயெல்லாம் நல்லா வருவடா போன்ற படங்களில் கதாநாயகியாக நடித்து வருகிறார். கீதாவிடம் நடத்திய சிறப்பு பேட்டி...

 * திரைப்பட தயாரிப்பாளராக, நடிகையாக, வானொலியில் சிரிக்க சிரிக்க பேசுபவராக எப்படி இது எல்லாம் சாத்தியம்.? 

 நான் எதை செய்தாலும் சிறப்பாக செய்ய ஆசைப்படுவேன், ஏனோ தானோ என்று என் வேலையை முடிக்க மாட்டேன், எந்த ஒரு சின்ன விசயமாக இருந்தாலும் அதில் என் மெனக்கெடல் பெரிதாக இருக்கும். கொஞ்சம் பிளான் பண்ணுவேன், அவ்ளோதான். நீங்க முதலில் தமிழ் சினிமாவுக்குள் வந்த போதும், இப்போதும் எப்படி இருக்கு.? நல்ல திறமைசாலிகளுக்கு வரவேற்பு கொடுக்கிறார்கள். புதுசு புதுசா திறமையாளர்கள் தமிழ் சினிமாவுல நிறைய பேர் இப்போது வந்திருக்காங்க. குறிப்பாக சென்னை ரொம்ப வேகமாக இருக்கு.