மக்கள் இவர்களுக்கு வெற்றியை பரிசளித்தார்கள். படத்தின் விமர்சனங்கள் பல்வேறு கோணங்களில் வந்திருந்தாலும். மக்களின் ஆதரவு அமோகமாக இருந்தது. தயாரிப்பாளர், விநியோகஸ்தர்கள், தியேட்டர் அதிபர்கள் ஆகியோருக்கு லாபத்தைக் கொடுத்தது.
நேற்று (மார்ச் 1) ஐ 50வது நாளை கடந்திருக்கிறது. சென்னையில் சத்யம், எஸ்கேப், ஐநாக்ஸ், தேவி, உட்லண்ட்ஸ், சாந்தி, ஆல்பட், அபிராமி, சங்கம், பிவிஆர், லக்ஸ், மாயாஜால் வளாகங்களில் 50 நாளை கடந்திருக்கிறது. தமிழ் நாடு முழுவதும் 500 தியேட்டர்களில் திரையிடப்பட்டு தற்போது சுமார் 60 தியேட்டர்களில் 50 நாளை தொட்டிருக்கிறது. சென்னையில் ஒரு சில தியேட்டர்களில் 100வது நாளை தொடலாம்.
