சமீபகாலமாக, எந்த மேடைகளுக்கு சென்றாலும் அரசியல் பேசுவதில்லை. அரசியல்வாதிகளே தன்னை சந்தித்தாலும் அவர்களிடம் அரசியல் பேசுவதில்லை. மாறாக ஆன்மீகம் பேசுகிறார். அதோடு படப்பிடிப்பு தளங்களில் முன்பெல்லாம் தனது ஆரம்ப கால கதைகளை ஜூனியர் நடிகர் நடிகைகளிடம் பேசி வந்த ரஜினி, இப்போது இளவட்டங்களுடன் அமர்ந்தாலும் ஆன்மீகம் பற்றித்தான் பேசுகிறார்.
அந்த வகையில், தனது மனசுக்கு பிடித்த நடிகர் நடிகைகள் என்றால் அவர்களுக்கு ஆன்மீக உபதேசம் செய்வதோடு, தி ஹிமாலயன் மாஸ்டர் என்ற ஆன்மீக புத்தகத்தையும் பரிசாக வழங்குகிறார். அப்படி தமிழ் நடிகர்களில் அஜீத்துக்கு முதலில் அந்த புத்தகத்தை வழங்கிய ரஜினி, லிங்கா படப்பிடிப்பில் இருந்தபோது ஒருநாள் சந்தானத்துக்கும் அந்த புத்தகத்தை பரிசளித்திருக்கிறாராம். இதையடுத்து சந்தானம் விடுத்துள்ள செய்தியில், ரஜினி சார் மாதிரி ஒரு எளிமையான மனிதரை பார்ப்பதே அரிது. அதிலும் அவர் ஆன்மீகம் பற்றி பேசத் தொடங்கி விட்டால் மனசு அதில் லயித்து விடுகிறது. அப்படி ஏராளமான ஆன்மீக ஆலோசனைகளை எனக்கு அளித்த ரஜினி சார், இப்போது தி ஹிமாலயன் மாஸ்டர் என்ற புத்தகத்தை கொடுத்துள்ளார். அதை படித்து அதன்படி என் வாழ்நாளில் நடக்கவும் முடிவு செய்திருக்கிறேன் என்கிறார்.
