2003 ஆம் ஆண்டு லேசா லேசா என்ற படத்தில் ஷாமுக்கு ஜோடியாக நடிக்க வைத்து த்ரிஷாவை அறிமுகப்படுத்தினார் ப்ரியதர்ஷன். அதன் பிறகு முன்னணி நடிகையான த்ரிஷா, தமிழ் மட்டுமின்றி தெலுங்கிலும் நம்பர் ஒன் நடிகையாக உயர்ந்தார்.இவ்விரு மொழிகள் தவிர கட்டா மிட்டா என்ற ஹிந்திப்படத்திலும் நடித்தார். கன்னட மலையாளப்படங்களிலும் நடித்துள்ளார் த்ரிஷா.
கடந்த இரண்டு வருடங்களுக்கு முன்பு வரை படு பிஸியாக இருந்த த்ரிஷாவுக்கு சமீபகாலமாக சொல்லிக்கொள்ளும்படி படங்கள் இல்லை. இடையில் தெலுங்கு நடிகர் உடனான காதல் கிசுகிசு வேறு. இந்நிலையில், த்ரிஷா தன்னுடைய நிறைவேறாத ஆசையை வெளியிட்டிருக்கிறார்.என்ன ஆசை? ஒரு படத்திலாவது ரஜினிக்கு ஜோடியாக நடிக்க வேண்டுமாம். நேரம் கிடைக்கும்போதெல்லாம் இந்த ஆசையை வெளிப்படுத்தி வருகிறார் த்ரிஷா.
