* பெரிய வெங்காயம்- 1
* தக்காளி- 4
* முட்டை - 1
* கோழி இறைச்சி வெந்த நீர்- 3 கப்
செய்முறை:
* கோழி இறைச்சியை வேகவைத்து நீரை எடுத்துக்கொள்ளுங்கள். பெரிய வெங்காயத்தையும் தக்காளியையும் சிறிதாக நறுக்கிக்கொள்ளுங்கள்.
பிறகு தக்காளி, பெரிய வெங்காயம் ஆகியவைகளோடு கோழி இறைச்சி வெந்த நீரையும் சேர்த்து வேகவிடுங்கள். தக்காளியும், வெங்காயமும் வெந்து வரும்போது உப்பும், மிளகுதூளும் சேருங்கள். எல்லாம் சேர்ந்து கொதித்து வரும்போது ஒரு முட்டையை நன்றாக அடித்து கலக்கி அதில் சேருங்கள். முட்டை கெட்டியாகி விடாத அளவுக்கு சிறிது சிறிதாக விட்டு, நன்றாகக் கலக்கிக் கொடுக்கவேண்டும். அடுப்பில் இருந்து இறக்கி மல்லி இலை, செலரி, ஸ்பிரிங் வெங்காயம் போன்றவைகளை நறுக்கி சேருங்கள். அத்தோடு ஒரு மேஜைக்கரண்டி சோயா சாஸ், தக்காளி சாஸ் கலந்து ருசியுங்கள்.
குறிப்பு:-
இறைச்சி அவித்த தண்ணீரை விரும்பாதவர்கள் மரக்கறி அவித்த தண்ணீரையும் உபயோகிக்கலாம்.
விரும்பியவர்கள் அவித்த இறைச்சியையும் சிறிதாக நறுக்கி அதில் கலந்து பரிமாறலாம்.
