இறுதி கட்டத்தில் ரோமியோ ஜூலியட்.

ஜெயம் ரவி நடிப்பில் தற்போது உருவாகி வரும் படம் ‘ரோமியோ ஜூலியட்’. இதில் இவருக்கு ஜோடியாக ஹன்சிகா மற்றும் பூனம் பஜ்வா நடித்து வருகிறார்கள். மேலும் இவர்களுடன் வம்சி கிருஷ்ணா, கணேஷ், உள்ளிட்ட ஏராளமான நட்சத்திரங்களும் நடிக்கிறார்கள். லக்ஷ்மன் இயக்கி வரும் இப்படத்திற்கு இமான் இசையமைத்து வருகிறார்.

இப்படத்திற்காக மும்பையிலும், சென்னையிலும் மிகப் பிரமாண்டமான முறையில் செட் அமைத்து பாடல் காட்சிகளை படமாக்கினர்.
இப்படத்தின் படப்பிடிப்பு 90 சதவிகிதம் முடிந்துள்ளது. இன்னும் 10 நாட்கள் மட்டும் படப்பிடிப்புகள் மீதமுள்ள நிலையில் ஐதராபாத், மலேசியா மற்றும் சென்னையில் ஆகிய இடங்களில் படமாக்கி வருகின்றனர். நேற்று சென்னையின் சுற்று வட்டாரப் பகுதியில் சில காட்சிகளை படமாக்கிய படக்குழு இங்கு முடித்து விட்டு மலேசியாவில் சில முக்கியமான காட்சிகளை படமாக்கவுள்ளனர்.