அது மட்டுமின்றி அந்த ஒய் திஸ் கொலவெறி என்ற பாடலை தனுஷே எழுதி பாடியும் இருந்தார். அப்பாடல் வெளியான சில தினங்களிலேயே சூப்பர் ஹிட்டானது. இந்தியா மட்டுமின்றி வெளிநாடுகளிலும் பிரபலமானது. பாலிவுட் சூப்பர் ஸ்டார் அமிதாப்பச்சன்கூட அந்த பாடலைக் கேட்டுவிட்டு தனுஷை பாராட்டியிருந்தார். ஆக, எத்தனையோ படங்களில நடித்திருந்தபோதும் அவர் பாடிய அந்த ஒருபாட்டு அவரை பெரிய அளவில் பிரபலப்படுத்தியது.
இந்த நிலையில், அந்த கொலவெறி பாடலைக்கேட்டதில் இருந்தே தனுசை தனது இசையில் பாட வைக்க வேண்டும் என்று நினைத்துக்கொண்டிருந்த கன்னடபட இசையமைப்பாளர் அர்ஜூன் ஜன்யா. தற்போது தான் அதற்கான நேரம் கைகூடி வந்திருக்கிறதாம். அதனால் அதுபற்றி தனுஷிடம் அவர் சொன்னபோது, கண்டிப்பாக பாடித்தருகிறேன் என்று கூறியுள்ளாராம்.
கன்னடத்தில் சிவராஜ்குமார் நாயகனாக நடிக்கும் வஜ்ரகயா என்ற அந்த படத்திலும் கொலவெறி பாடல் போன்று ஒரு ஜாலியான பாடலையே பாடுகிறாராம் தனுஷ்.
